Rematado o prazo de presentación de reclamacións contra a lista provisional de aspirantes admitidos e excluídos ás probas selectivas para a provisión de dúas prazas de analistas informáticos, convocadas por Resolución do 28 de agosto de 2003 (DOG do 25 de setembro), este rectorado, en aplicación do previsto na base 4.1. da convocatoria, resolve aproba-la lista definitiva de aspirantes admitidos e excluídos que figura a continuación:

Relación de admitidos

De acordo co establecido na base 7.1 convócanse os aspirantes para a realización do primeiro exercicio da oposición que dará comezo ás 17.00 horas do día 22 de decembro de 2003 no Centro Universitario de Riazor ((rúa Almirante Lángara, s/n). Os aspirantes deberán acudir provistos do documento nacional de identidade ou documento legal que acredite a súa identidade.

Contra a presente resolución, que esgota a vía administrativa, poderase interpoñer recurso contencioso-administrativo no prazo de dous meses, contados desde o seguinte ó da súa publicación no Diario Oficial de Galicia, de conformidade co artigo 46 da Lei 29/1998, do 13 de xullo, reguladora da Xurisdicción Contencioso-Administrativa. Previamente, e con carácter potestativo, poderase interpoñer recurso de reposición ante este rectorado no prazo dun mes, de acordo co establecido no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), modificada por Lei 4/1999, do 13 de xaneiro (BOE do 14 de xaneiro).

A Coruña, 26 de novembro de 2003.

P.D. (Resolución rectoral do 26-9-2003)

Eliseo Alfonso Barca Lozano

Rector da Universidade da Coruña en funcións