De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-la proposta de resolución do procedemento sancionador que se instrúe por infracción da Lei 7/1992, de pesca fluvial.
O pagamento voluntario porá fin ó expediente. De non efectualo voluntariamente, dispón o interesado dun prazo de quince (15) días, contados a partir do seguinte ó de publicación desta notificación, para formular cantas alegacións coide pertinentes. O que se lle comunica de acordo coa normativa antes citada, así como co establecido no Regulamento do pro
cedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto) e no Decreto 14/2002, do 24 de xaneiro (DOG do 6 de febreiro), polo que se establece a estructura orgánica da Consellería de Medio Ambiente.
Lugo, 21 de outubro de 2003.
Luis González Vázquez
Delegado provincial de Lugo
ANEXO
Expediente: P-80/2003.
Denunciado: Marcos Porto Veiga.
DNI: 33328914-M.
Enderezo: lugar San Lorenzo, nº 63, Lugo.
Feito denunciado: practica-lo deporte da pesca con redes (unha rede de malla de aproximadamente dous centímetros e dunha lonxitude de 21 m) no río Neira, sen estar en posesión da preceptiva autorización concedida pola Consellería de Medio Ambiente, tendo capturadas dúas troitas (1-26 cm; 1-18,5 cm) e catro ciprínidos. Feitos constatados o día 27-5-2003, ás 7.15 horas en Marzán, Couto de Láncara-río Neira. Láncara. Lugo.
Precepto sancionador: 35.2º da Lei 7/1992, de pesca fluvial de Galicia.
Cualificación da sanción: grave.
Sanción: 3.005,07 euros.
Indemnización por danos e perdas de 64,91 euros que deberá aboar solidariamente con Pedro Martínez Fernández (DNI 76573121-T) de acordo co artigo 130.3º da Lei 30/1992, de RXAP e do PAC.
Inhabilitación para obte-la licencia de pesca e para a práctica deste deporte por un período dun ano e un día.