O artigo 20 da Lei orgánica 15/1999, do 13 de decembro, de protección de datos de carácter persoal (BOE nº 298, do 14 de decembro), especifícase que a creación, modificación ou supresión dos ficheiros das administracións públicas só se poderán facer por medio da disposición xeral correspondente.

Na súa virtude, a Consellería de Emigración

DISPÓN:

Primeiro.-Mediante esta orde a Consellería de Emigración crea o ficheiro especificado no anexo, que contén a información esixida no artigo 20.2º da Lei orgánica 15/1999, do 13 de decembro, de protección de datos de carácter persoal para as disposicións de creación dos ficheiros.

Segundo.-O titular do órgano responsable deste ficheiro adoptará as medidas de xestión e organización que sexan necesarias, asegurando a confidencialidade, os dereitos e as obrigas recoñecidos na Lei orgánica 15/1999, do 13 de decembro.

Terceiro.-Os datos de carácter persoal, rexistrados no ficheiro da Consellería de Emigración ó que se refire o anexo, só serán utilizados para os fins expresamente previstos e por persoal debidamente autorizado.

Cuarto.-Os datos só poderán ser cedidos nos supostos expresamente previstos pola lei.

ANEXO

Ficheiro de nova creación da Consellería de Emigración.

ePOSTAL, sistema de envío de postais.

a) Finalidade do ficheiro e uso previsto: galegos ou descendentes de galegos que acoden voluntariamente ás comunidades galegas no exterior co fin de enviar unha postal a algún familiar en España sen ningún custo. Envíanlle telematicamente ó responsable do ficheiro a información necesaria para realiza-lo envío e este, unha vez recibida, encárgase de remitírllelo por vía postal ós destinatarios.

Ademais, os datos persoais facilitados polo usuario poderán ser utilizados para a realización de estatísticas, exposicións fotográficas e outras difusións relacionadas coa emigración galega.

b) Persoas ou colectivos afectados: galegos ou descendentes de galegos que acoden voluntariamente ás comunidades galegas no exterior e queren enviar unha postal a algún familiar en España sen ningún custo.

c) Medidas de seguridade con indicación do nivel esixible: básico.

d) Estructura básica: base de datos.

e) Tipos de datos:

-Datos de carácter identificativo: DNI, nome e apelidos, enderezo postal e electrónico, fotografía.

f) Órgano responsable do ficheiro:

-Secretaría Xeral.

-Consellería de Emigración.

g) Os dereitos de acceso, rectificación, cancelación e oposición de datos que constan no ficheiro poderanse exercer, se é o caso, ante a unidade ou dependencia responsable do ficheiro, sita na rúa Os Basquiños, número 2, 15704 Santiago de Compostela.

h) Procedemento de recollida de datos: transmisión electrónica.

i) Cesións previstas: ningunha.

Disposición derradeira

Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 25 de novembro de 2003.

Aurelio Miras Portugal

Conselleiro de Emigración

CONSELLERÍA DE POLÍTICA TERRITORIAL, OBRAS PÚBLICAS

E VIVENDA