Por Orde do 3 de xuño de 2003 (DOG do 20 de xuño), convocouse concurso público de bolsas de residencia para a realización de estudios universitarios de 1º, 1º e 2º ou 3º ciclo, no curso 2003-2004, en centros do Sistema Universitario de Galicia, destinadas ós galegos e ós seus descendentes que teñan a súa residencia familiar en territorio nacional fóra da Comunidade Autónoma de Galicia.

De acordo co establecido no artigo 9 das bases da convocatoria, desde o día 21 ata o día 31 de outubro de 2003, expuxéronse as listas provisionais de solicitudes admitidas e excluídas, podendo durante ese mesmo prazo os interesados formula-las reclamacións para emendar erros e falta de documentos perante a Dirección Xeral de Universidades.

Rematado este prazo, as solicitudes admitidas foron estudiadas pola comisión avaliadora nomeada na propia orde de convocatoria.

En consecuencia, atendendo á proposta elaborada pola citada comisión, esta consellería

RESOLVE:

Artigo 1º

Concederlles bolsas de residencia para a realización de estudios universitarios de 1º, 1º e 2º ciclo ou 3º ciclo, no curso 2003-2004 en centros do Sistema Universitario de Galicia, destinadas ós galegos

e ós seus descendentes que teñan a súa residencia familiar en territorio nacional fóra da Comunidade Autónoma de Galicia, ós alumnos que se relacionan no anexo I desta orde.

Artigo 2º

Denegarlles bolsas de residencia para a realización de estudios universitarios de 1º, 1º e 2º ciclo ou 3º ciclo, no curso 2003-2004 en centros do Sistema Universitario de Galicia, destinadas ós galegos e ós seus descendentes que teñan a súa residencia familiar en territorio nacional fóra da Comunidade Autónoma de Galicia ós alumnos que se relacionan no mesmo anexo I.

Artigo 3º

O incumprimento total ou parcial por parte dos beneficiarios de calquera das condicións establecidas na orde de convocatoria do 3 de xuño de 2003, constituirá causa determinante de revogación da axuda e do seu reintegro polo beneficiario ou solicitante, segundo o disposto no Decreto 287/2000, do 21 de novembro, polo que se resolve o réxime de axudas e subvencións públicas da Comunidade Autónoma de Galicia.

Artigo 4º

Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes a partir do día seguinte ó da publicación da mesma no DOG, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 24 de novembro de 2003.

Celso Currás Fernández

Conselleiro de Educación e Ordenación Universitaria

ANEXO I

Concedidas

USC: Santiago de Compostela

UDC: A Coruña

UVI: Vigo

Denegadas