As bases reguladoras das axudas do Instituto Galego de Promoción Económica publicadas mediante resolución da directora xeral do Igape do 13 de xullo de 2001 (DOG nº 142, do 23 de xullo), para o programa de apoio á continuidade e mellora competitiva da PEME galega, prevé o establecemento de compromisos plurianuais dentro dos límites autorizados.
Con data do 27 de decembro, o Parlamento de Galicia aprobou os orzamentos xerais da Comunidade Autónoma de Galicia para o ano 2003, publicados mediante Lei 6/2002 (DOG nº 251, do 30 de decembro de 2002). Por outra parte, o Consello
da Xunta de Galicia na súa reunión do 20 de marzo de 2003 autorizou os límites de plurianualidades do Instituto Galego de Promoción Económica.
Analizadas as necesidades de fondos e co obxecto de dar resposta ós proxectos faise necesario amplia-lo límite de crédito reservado.
Polo que antecede,
RESOLVO:
Facer público, de acordo co importe que se relaciona a continuación, a ampliación do límite de crédito dispoñible para o ano 2004 do Programa de mellora competitiva da PEME. Proxectos baseados nun diagnóstico. Subvención a fondo perdido, quedando co límite seguinte:
orzamentaria 2004 A
Partida
Finalidade Límite dispoñible
02.02-11/01/01 Programa de mellora competitiva da PEME. Proxectos baseados nun diagnóstico. Subvención a fondo perdido. 852.500
Santiago de Compostela, 2 de decembro de 2003.
Margarita Rodríguez Rama
Directora xeral do Instituto Galego de Promoción
Económica