Aprobado inicialmente o Plan Xeral de Ordenación Urbana do concello de Tui, polo pleno da corporación, en sesión que tivo lugar o 4 de decembro de 2003, sométese a información pública polo prazo de dous meses, contados a partir do día ó da seguinte o da publicación no Diario Oficial de Galicia, para a formulación de alegacións e reclamacións, de acordo co establecido no artigo 85.2º da Lei 9/2002, do 30 de decembro, de ordenación urbanística e protección do medio rural de Galicia, quedando o expediente de manifesto no Concello de Tui, sala de concelleiros anexa ó salón de plenos, os luns, martes, mércores e venres de 9.00 a 14.00 horas; os xoves, de 16.00 a 19.00 horas; e os sábados, de 9.30 a 12.30 horas.
Queda suspendida a concesión de licencias urbanísticas nos seguintes ámbitos:
En solo urbano:
-Plans especiais de mellora da calidade urbana: PEMCU nº 1, 2, 3, 4 e 5.
-Plans especiais de reforma interior: PERI nº 1, 2, 3, 4, 5, 6, 7 e 8.
-Zona da ordenanza nº 4 de vivenda unifamiliar en Paiáns, adxacente ó PERI 1, 2 e 3 (reflectidos nos planos de ordenación 5.9 e 5.11).
-Ámbitos das unidades de execución do anterior Plan: UE 1, 2, 3, 5 e 9 (reflectidos nos planos 5.12, 5.17, 5.19, 5.20).
En solo urbanizable:
-Ámbitos nos que non exista un planeamento de desenvolvemento definitivamente aprobado.
En solo de núcleo rural:
-Áreas de expansión dos núcleos rurais.
En todos aqueles ámbitos nos que entre en contradicción o planeamento vixente co que é obxecto de tramitación.
Tui, 4 de decembro de 2003.
Antonio F. Fernández Rocha
Alcalde