1. Entidade adxudicadora.

a) Organismo: Consellería de Política Territorial, Obras Públicas e Vivenda.

b) Dependencia que tramita o expediente: Dirección Xeral de Obras Públicas, Subdirección Xeral de Estradas.

2. Obxecto de cada contrato.

a) Descrición do obxecto: ampliación do pontón sobre Feve, na estrada AC-112 p.k. 3+340 en Pedroso-Narón, A Coruña, convenio Consellería de Política Territorial, Obras Públicas e Vivenda-Concello de Narón do 7-10-2003.

Clave do expediente: AC/03/040.06.

Orzamento base de licitación: douscentos mil trescentos sesenta e nove euros con corenta e tres céntimos (200.369,43 euros).

Prazo de execución: 6 meses.

Clasificación: grupo B, subgrupo 2, categoría c; grupo G, subgrupo 4, categoría b.

División por lotes e número: non hai.

b) Descrición do obxecto: execución de beirarrúas na C-550, treito Xarás-Salmón p.k. 43 ó 46, convenio Consellería de Política Territorial, Obras Públicas e Vivenda-Concello de Ribeira do 8-10-2003.

Clave do expediente: AC/02/093.06.

Orzamento base de licitación: trescentos corenta e cinco mil cincocentos sesenta e sete euros con trinta e un céntimos (345.567,31 euros).

Prazo de execución: 5 meses.

Clasificación: grupo G, subgrupo 6, categoría e.

División por lotes e número: non hai.

c) Descrición do obxecto: execución de beirarrúas e pavimentación na travesía de Corrubedo p.k. 13,325/13,725, convenio Consellería de Política Territorial, Obras Públicas-Concello de Ribeira do 8-10-2003.

Clave do expediente: AC/02/099.06.

Orzamento base de licitación: cento cincuenta e catro mil novecentos noventa e nove euros con cincuenta e oito céntimos (154.999,58 euros).

Prazo de execución: 4 meses.

Clasificación: grupo G, subgrupo 6, categoría c.

División por lotes e número: non hai.

3. Tramitación, procedemento e forma de adxudicación: urxente, aberto e concurso.

4. Garantías.

Provisional: non se esixe.

Definitiva: 4% do orzamento base de licitación.

5. Obtención de documentación e información.

a) Entidade: Dirección Xeral de Obras Públicas, Subdirección Xeral de Estradas.

b) Domicilio: edificios administrativos de San Caetano s/n.

c) Localidade e código postal: 15781 Santiago de Compostela.

d) Teléfono: 981 54 49 86, 981 95 72 55.

e) Telefax: 981 54 47 91.

Así mesmo, tamén se poderán obte-los pregos de cláusulas administrativas particulares, relativos a esta contratación no seguinte enderezo da Internet: http://www.xunta.es/contratacion/.

E en Copy Estudio, rúa Nova de Abaixo nº 19-21, teléfono 981 59 33 85.

6. Requisitos específicos do contratista.

a) Clasificación, se é o caso: a esixida, para cada contrato, no punto 2 anterior.

7. Presentación das ofertas ou das solicitudes de participación.

a) Data límite de presentación: o prazo de admisión das proposicións rematará ás 12.00 horas do décimo quinto día natural, que non coincida en sábado, domingo ou festivo, seguinte ó da publicación deste anuncio no Diario Oficial de Galicia.

b) Documentación que hai que presentar: ver prego de cláusulas administrativas particulares.

c) Lugar de presentación: rexistro xeral da Consellería de Política Territorial, Obras Públicas e Vivenda ou envialas por correo dentro do prazo de admisión sinalado conforme o disposto no artigo 80.4º do Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas (ver parágrafo 2.2.4 do prego de cláusulas administrativas particulares).

d) Prazo durante o cal o licitador estará obrigado a mante-la súa oferta (concurso): tres (3) meses.

e) Admisión de variantes: ver parágrafo F, do cadro de características do prego de cláusulas administrativas particulares.

8. Apertura das ofertas: terá lugar ás 11.00 horas, do décimo día natural, que non coincida en sábado, domingo ou festivo, contado a partir do último día de presentación de proposicións, na sala de xuntas da Dirección Xeral de Obras Públicas, da Consellería de Política Territorial, Obras Públicas e Vivenda.

9. Outras informacións: a mesa de contratación comprobará en acto previo a documentación xeral (sobre A), segundo se especifica no punto 2.2.6. Constitución e funcionamento da mesa, do prego de cláusulas administrativas particulares.

10. Gastos dos anuncios: por conta dos adxudicatarios.

O importe estimado máximo DOG: por liña 9,56 euros.

Santiago de Compostela, 2 de decembro de 2003.

P.D. (Orde 6-3-2003, DOG nº 50, do 12 de marzo)

José Antonio Fernández Vázquez

Secretario xeral da Consellería de Política

Territorial, Obras Públicas e Vivenda