De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento da empresa Pino Herramientas, S.A., titular do expediente 1/99.0075.0115.N.001, relativo a axuda ó abeiro do convenio de apoio financeiro ás Pemes (Resolución do 18 de maio de 1999, DOG nº 113, do 15 de xuño de 1999) que con data 2 de outubro de 2003 a directora da Área de Financiamento do Igape resolveu o arquivo do expediente renunciando ós dereitos de concesión por non te-lo beneficiario formalizado o préstamo dentro do prazo estipulado.
Os actos obxecto do presente anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. A resolución de arquivo do expediente non esgota a vía administrativa, e contra ela poderá interpor recurso de alzada ante o conselleiro de Economía e Facenda, no prazo dun mes desde a publicación deste edicto no Diario Oficial de Galicia. O expediente ponse de manifesto á entidade neste centro directivo sito en Santiago de Compostela, Complexo Administrativo San Lázaro, s/n.
En Santiago de Compostela, 10 de novembro de 2003.
Margarita Rodríguez Rama
Directora xeral do Instituto Galego de Promoción
Económica