De conformidade co establecido no artigo 59.4º da Lei de réxime xurídico das administracións públicas e do procedemento administrativo común, por este edicto ponse en coñecemento da empresa Ramil Caabeiro, S.L., titular do expediente C1/00.0097.8922.N.441089977-CO, relativo a axuda ó abeiro do convenio de apoio financeiro ó comercio retallista (Resolución do 27 de xullo de 2000, DOG nº 153, do 8 de agosto de 2000), que con data 29 de setembro de 2003 a directora da Área de Financiamento do Igape resolveu o arquivo do expediente renunciando ós dereitos de concesión por non te-lo beneficiario formalizado o préstamo dentro do prazo estipulado.
Os actos obxecto deste anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. A resolución de arquivo non esgota a vía administrativa e contra ela poderá interpor recurso de alzada, ante o conselleiro de Economía e Facenda, no prazo dun mes desde a publicación deste edicto no Diario Oficial de Galicia. O expediente ponse de manifesto
á entidade neste centro directivo sito en Santiago de Compostela, Complexo Administrativo San Lázaro, s/n.
Santiago de Compostela, 11 de novembro de 2003.
Margarita Rodríguez Rama
Directora xeral do Instituto Galego
de Promoción Económica