Por esta alcaldía, con data do 17 de novembro de 2003, adoptouse resolución, que na súa parte dispositiva di:

«Primeiro.-Aprobar inicialmente o proxecto de expropiación para a execución do polígono único do Plan parcial de ordenación do parque empresarial da Rega-Cuíña, deste termo municipal, redactado polo arquitecto Ramiro Martínez Casado por instancia do beneficiario da expropiación Xestión Urbanística de A Coruña, S.A.

Segundo.-Optar, para a execución do citado proxecto, polo procedemento de taxación conxunta.

Terceiro.-Someter, de conformidade co previsto no artigo 143, da Lei 9/2002, do 30 de decembro, de ordenación urbanística e protección do medio rural de Galicia, ó citado proxecto ó trámite de información pública polo prazo dun mes mediante a inserción do correspondente anuncio no Diario Oficial de Galicia e nun xornal dos de maior circulación da provincia, para que quen poida resultar interesado, formule as observacións e reclamacións que estimen oportunas, en particular no concernente á titularidade ou valoración dos seus respectivos dereitos. Así mesmo, as taxacións notificaranse individualmente ós que aparezan como titulares dos bens e/ou dereitos no expediente, para que poidan formula-las alegacións no prazo dun mes, contados a partir da data da notificación.

Para estes efectos o expediente estará exposto nas oficinas municipais sitas na praza Isabel II s/n da Vila de Santa Marta.

Cuarto.-Aproba-la seguinte relación de bens afectados e propietarios:

Parcela 1.

Titular: Pita Romero, representante Getrudis Pita Romero.

Superficie afectada: 1.070 m (afección total).

Valoración: solo + 5% de premio de afección; total 5.404,04 euros.

Parcela 2.

Titular: Pita Romero, representante Getrudis Pita Romero.

Superficie afectada: 563 m (afección total).

Valoración: solo + 5% de premio de afección; total 2.843,43 euros.

Quinto.-Esta publicación terá tamén os efectos dispostos polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, para aqueles interesados ós que non poidan serlles practicadas as correspondentes notificacións».

Ortigueira, 18 de novembro de 2003.

Antonio Campo Fernández

Alcalde