Con data do 16 de outubro de 2003 recibiuse escrito do secretario da Sala do Contencioso-Administrativo do Tribunal Superior de Xustiza de Galicia, polo que se reclama o expediente administrativo correspondente ó recurso 369/2003, interposto pola Comunidade de Monte Veciñal en Man Común Coto das Louxeiras de Xemil contra o acordo do Consello da Xunta de Galicia do 26-9-2002, sobre declaración da prevalencia de utilidade pública do proxecto explotación mineira Mondoñedo fracción segunda.
Á vista do escrito citado, e en cumprimento do establecido no artigo 49 da Lei 29/1998, do 13 de xullo, reguladora da xurisdicción contencioso-administrativa, emprázase a cantos aparezan como interesados neste, para que poidan comparecer perante o citado tribunal no prazo de nove días contados desde o día seguinte ó da publicación desta resolución.
Santiago de Compostela, 29 de outubro de 2003.
Justo de Benito Basanta
Secretario xeral da Consellería de Medio Ambiente