De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial, foron depositados a acta pola que se modifican os estatutos da Asociación de Empresarios del Polígono Industrial de Ribadumia, e mailos novos estatutos, a dita modificación consiste no cambio dos artigos 1, 2, 10, 13, 14, 17, 18, 26, 27, 29 e 30 e que pasa a denominarse Asociación de Empresarios del Polígono Industrial del Salnés, xuntándose novo texto deles, sen que se alteren os ámbitos territorial e profesional.
Asinan a acta de modificación dos estatutos: Adolfo Guillamón Melendreras e outro.
Os estatutos depositados poderán ser examinados por calquera persoa interesada.
Vigo, dez de novembro de dous mil tres.
Joaquín Macías Sánchez
Delegado provincial de Pontevedra