Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita:
Solicitante: Compañía de Electrificación, S.L.
Domicilio social: praza Dr. Carus, 7-1º, 36000 Vilagarcía de Arousa.
Denominación: L.M.T., C.T., R.B.T. avda. da Ponte.
Situación: concello da Illa de Arousa.
Descricións técnicas: L.M.T. subterránea, a 20 kV con conductor R.H.Z., de 37 m de lonxitude, dobre circuíto, con orixe na L.M.T.S. do C.T. Vado para alimentación ó C.T. que se proxecta, de 1.030 kVA (un trafo de 400 e outro de 630 kVA) R.T. 20 kV-380/220 V, situado na avda. da Ponte, A Illa de Arousa. R.B.T. subterránea con orixe no C.T. proxectado, de 420 m de lonxitude e conductor R.V.
Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
Pontevedra, 10 de outubro de 2003.
Carmen Bianchi Valcarce
Delegada provincial de Pontevedra