Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. e C.T. A Garrocha.

Situación: Culleredo.

Descricións técnicas: liña eléctrica aéreo-subterránea de media tensión a 15/20 kV, baixo tubo e con conductor R.H.V. 12/20 kV de 3 (1x240) mm Al nos tramos subterráneos de 380 m de lonxitude e con conductor LA-56 e apoios de formigón, de 694 m de lonxitude nos seus tramos aéreos entre o C.T. Fonte-Igrexa, que se instalará substituíndo o existente e o C.T. A Garrocha que tamén se instalará.

Centros de transformación en casetas prefabricadas de formigón, 250 kVA o de Fonte-Igrexa e de 160 kVA o da Garrocha e tensións de 15/0,380-0,220 kV. Concello de Culleredo.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Innovación,

Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 21 de outubro de 2003.

Jesús Espada Martínez

Delegado provincial da Coruña