Vacantes na Administración de xustiza postos de traballo dos corpos nacionais de oficiais, auxiliares e axentes da Administración de xustiza dotados orzamentariamente, procede a súa convocatoria en concurso de traslado, de conformidade co establecido nos artigos 455 e 494 da Lei orgánica 6/1985, do 1 de xullo, do poder xudicial, e o capítulo III do título IV do Regulamento orgánico dos corpos de oficiais, auxiliares e axentes da Administración de xustiza, aprobado polo Real decreto 249/1996, do 16 de febreiro.

Por todo iso, o Ministerio de Xustiza, coordinadamente coa Comunidade Autónoma de Galicia, dis

poñen convocar un concurso para a provisión dos postos que se relacionan no anexo I segundo as seguintes bases:

Primeira.-Postos que se poden solicitar.

1. Poderán tomar parte neste concurso e solicita-las vacantes de postos de traballo de oficiais, auxiliares e axentes da Administración de xustiza os funcionarios pertencentes ós devanditos corpos, calquera que sexa a súa situación administrativa, agás os suspensos que non rematasen o período de suspensión, sempre que reúnan as condicións para concursar conforme ó establecido no artigo 57 do Real decreto 249/1996, do 16 de febreiro.

2. Os interesados poderán solicitar calquera das prazas incluídas no anexo I, sempre que reúnan os requisitos xerais esixidos na data de remate do prazo de presentación de solicitudes.

As devanditas vacantes identificaranse polo número de orde da convocatoria. Só coa solicitude dun posto de traballo dun órgano xudicial incluído no anexo I, enténdense pedidas tódalas vacantes do corpo existentes no devandito órgano.

3. Tamén se poderán solicita-los postos que queden vacantes nas relacións de postos de traballo da Administración de xustiza como consecuencia da resolución deste concurso, que se incorporarán en concepto de resultas ás vacantes ofertadas, salvo que se pretendan amortizar ante proxecto avanzado ou en trámite de negociación de modificación do cadro de persoal orgánico ou reordenación de efectivos dun centro de traballo, respectando a porcentaxe máxima de desviación por dotacións totais e corpos do cinco por cento do cadro de persoal.

Os postos de traballo teñen que identificarse polo número de orde da convocatoria. Só coa solicitude dun posto de traballo dun órgano xudicial, enténdense pedidas tódalas vacantes do corpo existentes no devandito órgano. Cando se desexe solicitar un posto de traballo en resultas que xa estea incluído no anexo I como vacante, abondará con que este apareza acompañado dun asterisco, para que se entenda solicitado como vacante e como resulta na orde de preferencia indicada.

Co fin de que os posibles solicitantes poidan exerce-lo dereito que se lle recoñece de solicita-las resultas producidas pola resolución do concurso, desde a data de publicación desta resolución e durante o período de presentación de solicitudes, exporanse nos taboleiros de anuncios da Dirección Xeral de Xustiza e na Xerencia Territorial desta Comunidade Autónoma, así como no Tribunal Superior de Xustiza de Galicia e nas audiencias provinciais, a seguinte documentación que permita identificar e solicitar adecuadamente os postos:

-Relación de postos de traballo da Administración de xustiza da mesma natureza cós convocados que poidan solicitarse con indicación do número de orde dos postos en cuestión.

Segunda.-Requisitos e condicións de participación.

1. Os funcionarios dos corpos de oficiais, auxiliares e axentes da Administración de xustiza só poderán participar se na data de remate do prazo de pre

sentación de instancias transcorreu un ano desde o nomeamento no seu actual posto de traballo definitivo (artigo 57 c do Real decreto 249/1996, coa excepción prevista no artigo 52 c) do Regulamento orgánico.

2. Os funcionarios en servicio activo con adscrición provisional estarán obrigados a participar neste concurso.

No caso de que non obtivesen destino no concurso, atribuiráselle-lo desempeño provisional dun posto correspondente ó seu corpo.

3. Os funcionarios que se encontren nas situacións de excedencia voluntaria establecidas no artigo 34 b) e c) do Real decreto 249/1996 (excedencias por agrupación familiar e por interese particular), só poderán participar no concurso se na data de remate do prazo de presentación de solicitudes transcorreron dous anos como mínimo desde que foron declarados nesa situación.

4. Os funcionarios en situación de excedencia para o coidado de fillos, ó abeiro do disposto no artigo 35 do Real decreto 249/1996, só poderán concursar se transcorreu un ano desde o nomeamento no seu último destino definitivo.

5. Os excedentes forzosos, os suspensos definitivos que perdesen o seu posto de traballo e os excedentes voluntarios do artigo 34 a) do Regulamento orgánico, aprobado polo Real decreto 249/1996, gozarán por esta orde, a primeira vez que se anuncie a concurso unha vacante do corpo na mesma localidade onde servían cando se produciu o seu cesamento no servicio activo, de dereito preferente para ocupala (artigo 44.3º do Regulamento orgánico).

6. Regulación do dereito de preferencia establecido no artigo 44.3º do Regulamento orgánico. Dado que a preferencia estende os seus efectos a tódalas prazas dunha localidade determinada, para exercer este dereito deberán solicitar tódalas vacantes que se oferten na localidade para a que se exerce a preferencia e agrupar estas peticións nos primeiros números da orde de preferencia da solicitude, ordenando o resto dos postos pedidos sen preferencia e a seguir. Igualmente deberán solicitala na súa instancia especificando a provincia ou o municipio do último destino servido en propiedade e de forma definitiva, no epígrafe P-1 do modelo V-2 ou V-3, segundo proceda, achegando fotocopias compulsadas dos documentos acreditativos da dita preferencia.

Non se terá en conta a preferencia se non solicita tódolos postos de traballo da localidade da que se trate nos primeiros números da orde de preferencia da solicitude, se non especifica que desexa acollerse á preferencia na instancia no epígrafe correspondente e se non achega fotocopias compulsadas dos documentos aludidos no parágrafo anterior.

7. Non poderá adxudicárselles ós funcionarios un posto de traballo correspondente ó mesmo centro onde estean destinados, coa excepción prevista no artigo 52 c) do Real decreto 249/1996, do 16 de febreiro, ó regula-la reordenación de efectivos.

8. O funcionario ó que se lle adxudicou de forma forzosa o seu posto de traballo, por motivo dunha reordenación de efectivos prevista no artigo 52 do

Regulamento orgánico, poderá participar nos concursos de traslado, aínda que non transcorrese o prazo dun ano que esixe o artigo 57 alínea c) do Regulamento orgánico. Pola súa parte, terán dereito preferente, por unha soa vez, para obter outro posto de traballo do propio centro con ocasión do concurso ordinario no que se ofreza e sempre que participe nel.

Para poder exerce-lo dito dereito deberá axustarse ás seguintes especificacións:

Solicitar nos primeiros lugares da orde de preferencia da solicitude aqueles postos de traballo pertencentes ó centro de traballo para o que desexa acollerse á devandita preferencia.

Indicar no modelo de instancia V-3, no epígrafe P-1, o centro de traballo e a localidade para a que desexa acollerse á preferencia.

Achegar fotocopias compulsadas do seu nomeamento con carácter forzoso para o centro de traballo e para a localidade indicados no epígrafe P-1.

No caso de que non seguise as instruccións especificadas nos tres parágrafos anteriores perderá, para este concurso, o dereito preferente que lle recoñece o devandito artigo 52 c).

Terceira.-Baremos.

A valoración de méritos para a adxudicación dos postos de traballo nesta comunidade farase de acordo co baremo establecido para valora-la antigüidade e o coñecemento da lingua oficial propia. Deben presentarse coa solicitude fotocopias compulsadas da documentación que acredite o seu coñecemento; non se valorará este de non xuntalas debidamente compulsadas.

1. Antigüidade. Polos servicios efectivos no corpo outorgarase un punto por cada ano completo de servicios e computaranse proporcionalmente os períodos inferiores (0,0027777 por día, establecendo os meses como de 30 días). Estes servicios computaranse ata o día de remate do prazo de presentación de instancias.

2. Coñecemento oral e escrito da lingua oficial propia da Comunidade Autónoma. Nas prazas situadas na Comunidade Autónoma de Galicia, o coñecemento oral e escrito da lingua galega debidamente acreditado por medio dunha certificación oficial da Comunidade Autónoma, ou homologación do título presentado e do nivel ó que corresponda o título, supón o recoñecemento para estes efectos de ata 6 puntos segundo o nivel de coñecementos acreditado nos termos da disposición adicional segunda do Regulamento orgánico aprobado polo Real decreto 249/1996, do 16 de febreiro, na forma seguinte:

a) Curso de iniciación e perfeccionamento ou curso básico de linguaxe xurídica galega: dous puntos.

b) Curso medio de linguaxe xurídica galega: catro puntos.

c) Curso superior de linguaxe xurídica galega: seis puntos.

Os devanditos cursos non terán carácter acumulativo.

Cuarta.-Modelos e prazos de presentación de solicitudes.

1. Os funcionarios destinados definitivamente en postos das relacións de postos de traballo dos corpos de oficiais, auxiliares e axentes da Administración de xustiza correspondentes a Galicia, así como os que se encontren en situación de servicios especiais e excedentes por coidado de fillos que teñen reservado o seu posto de traballo en Galicia, presentarán a súa solicitude axustada ó modelo V-I publicado como anexo II desta resolución no prazo de 10 días naturais seguintes ó da publicación desta convocatoria no Diario Oficial de Galicia, ou contados a partir do día seguinte á súa publicación no Boletín Oficial del Estado, no caso de que a publicación non se faga simultaneamente no Boletín Oficial del Estado e no Diario Oficial de Galicia. Esta solicitude dirixirase á Dirección Xeral de Xustiza da Consellería de Xustiza, Interior e Administración Local da Xunta de Galicia, Edificio Administrativo San Caetano s/n, 15771 Santiago de Compostela.

2. Os funcionarios destinados en postos das relacións de postos de traballo doutros corpos da Administración de xustiza ou doutras administracións que se atopen en excedencia do artigo 34 alínea a) do Real decreto 249/1996, do 16 de febreiro, nos corpos de oficiais, auxiliares e axentes, que fagan constar como primeiro destino calquera dos convocados mediante esta resolución, radicados en Galicia, utilizarán o modelo V-2 publicado como anexo II a esta resolución no prazo de 10 días naturais seguintes ó da publicación desta convocatoria no Diario Oficial de Galicia, ou contados a partir do día seguinte á súa publicación no Boletín Oficial del Estado, no caso de que a publicación non se faga simultaneamente no Boletín Oficial del Estado e no Diario Oficial de Galicia. Esta solicitude dirixirase á Dirección Xeral de Xustiza da Consellería de Xustiza, Interior e Administración Local da Xunta de Galicia, Edificio Administrativo San Caetano s/n, 15771 Santiago de Compostela.

3. Os restantes solicitantes que desexen participar neste concurso, como os excedentes forzosos aínda que tiveren un destino provisorio, os suspensos definitivos que perdesen o seu posto de traballo, os participantes con destino provisorio por reingresaren no servicio activo, así como os restantes excedentes voluntarios por agrupación familiar ou por interese particular, ou os adscritos forzosos por motivo dunha reordenación de efectivos prevista no artigo 52 c) do Regulamento orgánico, que fagan constar como primeiro destino calquera dos convocados mediante esta resolución, radicados en Galicia, utilizarán o modelo V-3 publicado como anexo II a esta resolución no prazo de 10 días naturais seguintes ó da publicación desta convocatoria no Diario Oficial de Galicia, ou contados a partir do día seguinte á súa publicación no Boletín Oficial del Estado, no caso de que a publicación non se faga simultaneamente no Boletín Oficial del Estado e no Diario Oficial de Galicia. Esta solicitude

dirixirase á Dirección Xeral de Xustiza da Consellería de Xustiza, Interior e Administración Local da Xunta de Galicia, Edificio Administrativo San Caetano s/n, 15771 Santiago de Compostela.

4. As solicitudes poderán remitirse tamén na forma prevista no artigo 38 da Lei de réxime xurídico das administracións públicas e do procedemento administrativo común.

As que se presenten nas oficinas de correos enviaranse en calquera das dúas modalidades seguintes:

a) Por correo ordinario. Neste caso deberá ter entrada no rexistro xeral do Ministerio de Xustiza, xerencias territoriais ou rexistro xeral da Consellería de Xustiza, Interior e Administración Local da Comunidade Autónoma de Galicia (Edificio Administrativo San Caetano, s/n, 15771 Santiago de Compostela), para os funcionarios destinados nos xulgados e tribunais de Galicia, en todo caso, antes da data de remate do prazo de presentación de instancias.

b) Por correo certificado. Neste suposto presentaranse nas oficinas de correos en sobre aberto para seren datadas e seladas polo funcionario de correos antes de seren remitidas. Os participantes no concurso deberán envia-la instancia que teña o selo da oficina de correos, sen que poida admitirse pasado o prazo de presentación de instancias aquela que non cumpra este requisito, aínda que posteriormente se puidese acreditar tal aspecto.

5. Os excedentes voluntarios por interese particular engadiranlle á súa solicitude unha declaración de que non foron separados de calquera das administracións públicas.

6. A solicitude para tomar parte neste concurso será única para cada funcionario participante, aínda que se soliciten prazas fóra do territorio desta Comunidade Autónoma e que, por tanto, figuren nas convocatorias que simultaneamente a esta se realicen e publiquen os boletíns oficiais doutras comunidades autónomas con competencias transferidas ou o Ministerio de Xustiza.

Do mesmo xeito, mediante unha única instancia, deberá optar por participar desde o corpo no que o funcionario se atope en activo, ou reingresar ó servicio activo no corpo do que forme parte como excedente. No caso de presentar dúas instancias nas que se soliciten destinos en dous corpos distintos, serán anuladas as dúas solicitudes e quedará, por tanto, o funcionario excluído da participación no concurso.

7. Ó resultaren irrenunciables os destinos obtidos a pedimento do funcionario no caso de obter destino, o reingresado ó servicio mediante concurso de traslado, quedará automaticamente en excedencia no corpo no que se atopase en activo, polo que o seu destino actual se ofrecerá como praza vacante en concepto de resultas.

8. A solicitude formulada será vinculante para o peticionario unha vez transcorrido o período de presentación de instancias, polo que, neste caso, non será posible modifica-la instancia, nin renunciar á participación no concurso.

9. Ós excedentes forzosos adscritos provisoriamente, que non participen neste concurso, adxudicaráselles con carácter definitivo un posto de traballo no mesmo municipio, provincia ou comunidade autónoma da veciñanza do funcionario.

Quinta.-Peticións condicionadas.

No caso de estaren interesados nas vacantes que se anuncian para un mesmo municipio, partido xudicial ou provincia dous funcionarios pertencentes ós corpos de oficiais, auxiliares e axentes, poderán condiciona-la súa petición ó feito de ambos obteren destino na mesma provincia; entenderanse no caso contrario anuladas as peticións condicionadas efectuadas por ambos. Os funcionarios que se acollan a esta petición condicional deberán concretalo na súa instancia, e engadir fotocopia da petición do outro funcionario.

No caso de que non se engadise a fotocopia da instancia do segundo concursante, entenderase anulada a petición condicionada efectuada por ambos.

Os funcionarios que se acollan a esta base deberán agrupa-los postos que condicionan nos primeiros números da orde de preferencia da solicitude e poñe-lo resto dos non condicionados a seguir.

Sexta.-Tramitación.

O Servicio de Xerencia de Xustiza desta Comunidade Autónoma efectuará a gravación no proceso informático.

Finalizado o dito proceso, efectuarase a baremación con base nos datos que figuran na solicitude.

No Diario Oficial de Galicia e no Boletín Oficial del Estado anunciaranse os lugares onde estarán ó dispor dos interesados os anexos III de tódolos participantes, que conterán a baremación e o destino provisoriamente adxudicado.

Os funcionarios interesados expresarán no prazo de dez días naturais a súa desconformidade cos datos que consten no anexo III, solicitando a súa corrección, para o que deberán achegar no dito prazo a proba documental oportuna e fotocopia selada da instancia que presentaron no seu día, todo isto de acordo co establecido no artigo 71.1º da Lei de réxime xurídico das administracións públicas e do procedemento administrativo común segundo o modelo de alegacións que figura no anexo IV.

De non reclamar no prazo establecido, entenderase que mostra a súa conformidade e aceptación respecto ós datos contidos, á súa baremación e ó destino provisoriamente adxudicado.

Ó tratarse dun concurso a resultas, os destinos provisionalmente adxudicados poden sufrir modificacións na resolución definitiva como consecuencia dos erros que poidan producirse na baremación das instancias. En calquera caso, os destinos asignados provisoriamente non supoñen dereito ou a expectativa de dereito respecto á resolución definitiva do concurso.

Sétima.-Adxudicacións.

1. A orde de prioridade para a adxudicación dos postos de traballo virá dada pola puntuación total obtida segundo os baremos da base terceira.

2. No caso de empate na puntuación total, acudirase para dirimilo á orde de escala do funcionario.

Oitava.-Carácter dos destinos adxudicados.

1. Os traslados que deriven da resolución deste concurso terán a consideración de voluntarios para os efectos previstos no Real decreto 462/2002, do

24 de maio, sobre indemnizacións por razóns de servicio.

2. Os destinos adxudicados serán irrenunciables.

Novena.-Resolución e prazo posesorio.

1. Esta convocatoria resolverase por resolución do director xeral de Xustiza da Xunta de Galicia, de xeito que se publiquen simultaneamente nos taboleiros de anuncios do Ministerio de Xustiza, da Xerencia Territorial de Xustiza da Comunidade Autónoma, así como do Tribunal Superior de Xustiza e das audiencias provinciais.

2. A resolución expresará o posto de orixe dos funcionarios ós que se lles adxudique destino e a súa localidade, así como a súa situación administrativa, se esta é distinta á de activo e o posto adxudicado a cada funcionario con referencia ó centro de traballo e á localidade.

3. As resolucións do concurso poderán separarse por corpos, co fin de que os cesamentos dos funcionarios concursantes, oficiais, auxiliares e axentes poidan ser graduais no tempo, se a Administración considera que a súa acumulación nunha mesma data puidese ser prexudicial para o servicio público.

4. O prazo para tomar posesión do novo destino obtido será de dez días naturais, se hai cambio de localidade, pero cando teña lugar dentro da mesma poboación, deberá efectuarse nos tres días naturais seguintes ó cesamento.

5. O prazo para a toma de posesión comezará a contarse a partir do día seguinte ó do cesamento.

6. Se a resolución comporta reingreso no servicio activo, o prazo de toma de posesión deberá computarse desde a publicación da resolución do concurso no Boletín Oficial del Estado.

No caso de que os funcionarios reingresados por medio deste concurso se atopasen en activo noutro corpo e non desexasen que se lles interrompese a súa relación coa Administración, dada a necesidade de contar co tempo indispensable para efectua-la toma de posesión, poderán solicitarlle ó presidente, xuíz, fiscal ou xefe do organismo do seu actual destino un permiso retribuído dun día se non hai cambio de localidade ou de dous en caso contrario, agás aqueles casos nos que teñan que desprazarse ás Canarias, Illas Baleares ou Ceuta e Melilla, nos que o permiso poderá ser de ata tres días (artigo 66.1º g) do Regulamento orgánico); terán o cesamento no seu anterior destino con data inmediatamente anterior á da súa posesión na nova praza de reingreso.

7. Se non se lograse a simultaneidade de publicación da resolución co Diario Oficial de Galicia, os prazos comezarán desde o día seguinte ó da publicación no Boletín Oficial del Estado.

8. O cómputo dos prazos posesorios iniciarase cando rematen os permisos ou licencias das que estean gozando os funcionarios (artigo 75 do Regulamento orgánico), non sendo que por circunstancias excepcionais debidamente motivadas se suspenda ou revogue o goce destes.

9. No caso de que os órganos de nova creación creados polo Real decreto 1230/2003, do 26 de setembro (BOE do 27 de setembro), incluídos nesta convocatoria, entrasen en funcionamento con pos

terioridade á data de resolución definitiva do concurso, os adxudicatarios das ditas prazas tomarán posesión dos seus destinos o mesmo día da súa entrada en funcionamento, e cesarán nos seus destinos anteriores dez ou tres días naturais antes, segundo cambien ou non de localidade. No caso dos reingresados, seguirán os pasos especificados no parágrafo segundo do punto 6 desta base.

10. O que sen xusta causa deixase de tomar posesión, entenderase que renuncia ó cargo e a formar parte do corpo.

Décima.-Recursos.

Contra esta resolución, que esgota a vía administrativa, poderase interpoñer recurso potestativo de reposición ante o director xeral de Xustiza da Consellería de Xustiza, Interior e Administración Local, ou recurso contencioso-administrativo ante os xulgados do contencioso-administrativo competentes, no prazo dun ou de dous meses respectivamente; ámbolos dous prazos contaranse desde o día seguinte ó da súa publicación no Boletín Oficial del Estado, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, e na Lei 29/1998, do 13 de xullo, reguladora da xurisdicción contencioso-administrativa, respectivamente.

Santiago de Compostela, 3 de novembro de 2003.

Juan José Martín Álvarez

Director xeral de Xustiza

ANEXO I

Oficiais

DESCRICIÓN DO POSTO DE TRABALLO	DOTACIÓN	PREFERENCIA
COMUNIDADE AUTÓNOMA DE GALICIA	Nº DE ORDE DA CONVOC.	VACANTES	IDIOMA

TSXG-SERVICIO APOIO A CORUÑA	579	1	SI
TSXG-SALA SOCIAL A CORUÑA	580	1	SI
XDO. INSTRUCCIÓN NÚM. 4 A CORUÑA	581	1	SI
XDO. SOCIAL NÚM. 1 A CORUÑA	582	1	SI
1ª INST. E INSTR. NÚM. 7 SANTIAGO DE COMPOSTELA	584	2	SI
1ª INST. E INSTR. NÚM. 2 BETANZOS	583	1	SI
DECANATO LUGO	585	1	SI
DEC. SCNE LUGO	586	1	SI
XDO. CONT.-ADMVO. NÚM. 2 OURENSE	588	2	SI
XDO. MENORES OURENSE	589	1	SI
DEC.-OF. RXTO. E REPARTO PONTEVEDRA	590	1	SI
XDO. INSTRUCCIÓN NÚM. 1 VIGO	601	1	SI
XDO. INSTRUCCIÓN NÚM. 2 VIGO	602	1	SI
XDO. INSTRUCCIÓN NÚM. 5 VIGO	603	1	SI
XDO. INSTRUCCIÓN NÚM. 6 VIGO	604	2	SI
XDO. SOCIAL NÚM. 1 VIGO	606	1	SI
1ª INST. E INSTR. NÚM. 1 CALDAS DE REIS	591	1	SI
1ª INST. E INSTR. NÚM. 2 CALDAS DE REIS	592	1	SI

DESCRICIÓN DO POSTO DE TRABALLO	DOTACIÓN	PREFERENCIA
COMUNIDADE AUTÓNOMA DE GALICIA	Nº DE ORDE DA CONVOC.	VACANTES	IDIOMA

1ª INST. E INSTR. NÚM. 2 CAMBADOS	593	2	SI
1ª INST. E INSTR. NÚM. 3 CAMBADOS	594	2	SI
1ª INST. E INSTR. NÚM. 1 MARÍN	595	1	SI
1ª INST. E INSTR. NÚM. 1 O PORRIÑO	596	1	SI
1ª INST. E INSTR. NÚM. 2 O PORRIÑO	597	1	SI
1ª INST. E INSTR. NÚM. 2 PONTEAREAS	598	1	SI
1ª INST. E INSTR. NÚM. 2 REDONDELA	599	1	SI
1ª INST. E INSTR. NÚM. 1 TUI	600	1	SI

Auxiliares

DESCRICIÓN DO POSTO DE TRABALLO	DOTACIÓN	PREFERENCIA
COMUNIDADE AUTÓNOMA DE GALICIA	Nº DE ORDE DA CONVOC.	VACANTES	IDIOMA

TSXG-SALA SOCIAL A CORUÑA	1521	2	SI
AUD. PROV.-SECRETARÍA A CORUÑA	1522	1	SI
FISCALÍA A CORUÑA	1523	1	SI
DEC.-SCNE A CORUÑA	1524	1	SI
1ª INSTANCIA NÚM. 7 A CORUÑA	1525	1	SI
XDO. INSTRUCCIÓN NÚM. 1 A CORUÑA	1526	1	SI
XDO. INSTRUCCIÓN NÚM. 4 A CORUÑA	1527	1	SI
XDO. INSTRUCCIÓN NÚM. 5 A CORUÑA	1528	2	SI
XDO. CONT.-ADMVO. NÚM. 2 A CORUÑA	1529	1	SI
XDO. PENAL NÚM. 2 A CORUÑA	1530	1	SI
1ª INST. E INSTR. NÚM. 3 SANTIAGO DE COMPOSTELA	1533	1	SI
1ª INST. E INSTR. NÚM. 4 SANTIAGO DE COMPOSTELA	1534	1	SI
1ª INST. E INSTR. NÚM. 7 SANTIAGO DE COMPOSTELA	1535	4	SI
XDO. SOCIAL NÚM. 2 SANTIAGO DE COMPOSTELA	1536	1	SI
1ª INST. E INSTR. NÚM. 2 CORCUBIÓN	1531	1	SI
XDO. PENAL FERROL	1532	1	SI
AUD. PROV.-SEC. 2ª LUGO	1537	1	SI
XDO. PENAL, NÚM. 2 LUGO	1538	1	SI
XDO. CONT.-ADTVO. NÚM. 2 OURENSE	1539	1	SI
1ª INST. E INSTR. RIBADAVIA	1540	1	SI
ADSCRICIÓN FISCALÍA VERÍN	1541	1	SI
AUD. PROV.-SEC. 4ª PONTEVEDRA	1542	2	SI
AUD. PROV.-SECRETARÍA PONTEVEDRA	1543	1	SI
FISCALÍA PONTEVEDRA	1544	1	SI
DEC.-OF. RXTO. E REPARTO PONTEVEDRA	1545	1	SI
1ª INST. E INSTR. NÚM. 4 PONTEVEDRA	1546	2	SI
XDO. CONT.-ADTVO. NÚM. 1 PONTEVEDRA	1547	2	SI
XDO. MENORES PONTEVEDRA	1548	1	SI

1ª INSTANCIA NÚM. 9 VIGO	1554	1	SI

DESCRICIÓN DO POSTO DE TRABALLO	DOTACIÓN	PREFERENCIA
COMUNIDADE AUTÓNOMA DE GALICIA	Nº DE ORDE DA CONVOC.	VACANTES	IDIOMA

XDO. INSTRUCCIÓN NÚM. 4 VIGO	1555	1	SI
XDO. INSTRUCCIÓN NÚM. 6 VIGO	1556	1	SI
XDO. PENAL NÚM. 3 VIGO	1557	1	SI
1ª INST. E INSTR. NÚM. 2 CANGAS	1549	1	SI
1ª INST. E INSTR. NÚM. 1 PONTEAREAS	1550	1	SI
1ª INST. E INSTR. NÚM. 2 PONTEAREAS	1551	1	SI
1ª INST. E INSTR. NÚM. 1 REDONDELA	1552	1	SI
1ª INST. E INSTR. NÚM. 2 REDONDELA	1553	1	SI
1ª INST. E INSTR. NÚM. 2 VILAGARCÍA DE AROUSA	1558	1	SI

Axentes

DESCRICIÓN DO POSTO DE TRABALLO	DOTACIÓN	PREFERENCIA
COMUNIDADE AUTÓNOMA DE GALICIA	Nº DE ORDE DA CONVOC.	VACANTES	IDIOMA

TSXG-SECRET. GOBERNO A CORUÑA	2398	1	SI
AUD. PROV.-SEC. 4ª A CORUÑA	2399	1	SI
REXISTRO CIVIL ÚNICO A CORUÑA	2400	1	SI
DEC.-SCNE A CORUÑA	2401	1	SI
1ª INST. E INSTR. NÚM. 7 SANTIAGO DE COMPOSTELA	2403	1	SI
XDO. DE PAZ MELIDE	2402	1	SI
FISCALÍA LUGO	2404	1	SI
XDO. CONT.-ADMVO. NÚM. 2 OURENSE	2405	1	SI
1ª INST. E INSTR. O BARCO DE VALDEORRAS	2406	1	SI
1ª INST. E INSTR. RIBADAVIA	2407	1	SI
FISCALÍA PONTEVEDRA	2408	1	SI
1ª INST. E INSTR. NÚM. 6 PONTEVEDRA	2409	1	SI
XDO. PENAL NÚM. 1 PONTEVEDRA	2410	1	SI
XDO. PENAL, NÚM. 3 PONTEVEDRA	2411	1	SI
XDO. SOCIAL NÚM. 2 PONTEVEDRA	2412	1	SI
AUD. PROV.-SEC. 5ª VIGO	2417	1	SI
DECANATO VIGO	2418	1	SI
1ª INSTANCIA NÚM. 4 VIGO	2419	1	SI
1ª INSTANCIA NÚM. 9 VIGO	2420	1	SI
XDO. INSTRUCCIÓN NÚM. 5 VIGO	2421	1	SI
XDO. CONT.-ADMVO. NÚM. 1 VIGO	2422	1	SI
XDO. SOCIAL NÚM. 2 VIGO	2423	1	SI
XDO. SOCIAL NÚM. 3 VIGO	2424	1	SI
1ª INST. E INSTR. NÚM. 2 CALDAS DE REIS	2413	1	SI
1ª INST. E INSTR. NÚM. 3 CAMBADOS	2414	1	SI
1ª INST. E INSTR. NÚM. 1 CANGAS	2415	1	SI
XDO. DE PAZ FORCAREI	2416	1	SI