En cumprimento do que dispón o artigo 70.2º da Lei reguladora das bases do réxime local e do arti

go 92.2º da Lei 9/2002, do 30 de decembro, de ordenación urbanística e protección do medio rural de Galicia, faise pública a aprobación definitiva do Plan especial de protección e reforma interior do barrio de San Lázaro e do núcleo antigo de Verín, aprobada polo Pleno en sesión de data 27-10-2003, recolléndose a continuación a parte dispositiva do acordo que se adoptou:

Primeiro.-Aprobar definitivamente o Plan especial de protección e reforma interior (Pepri) do barrio de San Lázaro e do núcleo antigo de Verín, presentado polo equipo adxudicatario da súa redacción, en cumprimento das prescricións establecidas pola Lei do solo de Galicia.

Segundo.-Proceder, en cumprimento do establecido no artigo 92 da Lei 9/2002, do 30 de decembro, de ordenación urbanística e protección do medio rural de Galicia, á publicación do acordo de aprobación definitiva no prazo dun mes, no Diario Oficial de Galicia, e o documento que conteña a normativa e as ordenanzas, no BOP.

Faise constar que con data 7-11-2003 procedeuse, en cumprimento do establecido no artigo 92.3º da Lei 9/2002, do 30 de decembro, de ordenación urbanística e protección do medio rural de Galicia, a comunicar á Consellería de Política Territorial, Obras Públicas e Vivenda, a aprobación definitiva do Pepri, así como que se procedeu a dar traslado de copia de dous exemplares do instrumento aprobado definitivamente, con tódolos planos e documentos que integran o plan sobre o que recaeu o acordo de aprobación definitiva.

O que se fai público para xeral coñecemento e para que os interesados ós que non se lles notifique persoalmente o acordo de aprobación definitiva porque non formularon alegacións durante o período de información pública que tivo lugar trala aprobación inicial, poidan interpor recurso contencioso-administrativo perante a sala desta xurisdicción con sede na Coruña no prazo dos dous meses seguintes á data de publicación deste edicto no BOP de Ourense no que se inserirá o texto íntegro das ordenanzas e da normativa do Pepri, o cal entrará en vigor cando transcorran 15 días hábiles logo da dita publicación no BOP.

Verín, 7 de novembro de 2003.

Juan Manuel Jiménez Morán

Alcalde