Por Orde do 4 de febreiro de 2003 (publicada no DOG nº 34, do 18 de febreiro) foron convocados os premios para o fomento de recollida de pilas en Galicia.

No punto 6º do artigo 2 da citada orde prevese que para a concesión de premios se calculará a taxa de quilos recollidos por alumno matriculado, nas distintas categorías segundo a fórmula:

Total de quilos recollidos por colexio/total de alumnos matriculados no colexio.

Así mesmo, prevese neste artigo que os premios se concederán ós colexios que acrediten unha maior taxa de recollida de pilas usadas segundo a fórmula para toda a Comunidade Autónoma e por categorías.

Polo tanto, en uso das atribucións conferidas no artigo 34 da Lei 1/1983, do 22 de febreiro, modificada pola Lei 11/1998, do 20 de outubro, en relación cos artigos 27.30º e 30 do Estatuto de autonomía e o Decreto 14/2002, do 24 de xaneiro, polo que se establece a estructura orgánica da Consellería de Medio Ambiente

RESOLVO:

Artigo único.

Primero.-De acordo co disposto na Orde do 4 de febreiro de 2003, concédense os premios ós colexios que se relacionan no anexo da presente orde.

Segundo.-A concesión destes premios será comunicada persoalmente ós beneficiados.

Disposición derradeira

A presente orde entrará en vigor o día seguinte ó da súa publicación no Diario Oficial de Galicia.

Santiago de Compostela, 11 de novembro de 2003.

José Manuel Barreiro Fernández

Conselleiro de Medio Ambiente

ANEXO

A.-Centros educativos cun número de alumnos matriculados no curso 2002-2003 inferior a 50.

Primeiro premio: San Xerome Emiliani (A Guarda).

Segundo premio: Escola Infantil de Baiuca (Catoira).

Terceiro premio: Aspanaes (As Pontes de García Rodríguez).

B.-Centros educativos cun número de alumnos matriculados no curso 2002-2003 entre 50-300.

Primeiro premio: CEIP Celso Currás (Trabada).

Segundo premio: CEIP A Sangriña (A Guarda).

Terceiro premio: Rogelio García Yáñez (Ramirás).

Cuarto premio: CEIP Nadela (Lugo).

Quinto premio: CEIP Unión Mugardesa (Mugardos).

Sexto premio: CEIP San Martiño (Pontevedra).

C.-Centros educativos cun número de alumnos matriculados no curso 2002-2003 superior a 300.

Primeiro premio: Colexio Inmaculada (Ponteareas).

Segundo premio: Colexio Labor (Vigo).

Terceiro premio: Colexio Divina Pastora-MM Franciscanas (Ourense).

Cuarto premio: CEIP Escultor Acuña (Vigo).

Quinto premio: IES M. Soliño (Cangas do Morrazo).

Sexto premio: CEIP Manuel Mato Vizoso (Vilalba).