Esta consellería, unha vez cumpridos os trámites administrativos correspondentes, resolveu anun

cia-la convocatoria da contratación mediante concurso aberto e trámite de urxencia das obras que se citan:

-Obxecto: restauración e rehabilitación dos alpendres anexos ó mosteiro de Santa María de Aciveiro para a súa dedicación a actividades turísticas.

-Orzamento de licitación: 143.588,12 euros (cento corenta e tres mil cincocentos oitenta e oito euros con doce céntimos), IVE incluído.

-Clasificación: grupo K, subgrupo 7, categoría e.

-Garantía definitiva: 4% do importe de adxudicación.

-Prazo de execución: 2 meses.

-Exposición de proxectos: o proxecto e os pregos de cláusulas administrativas particulares estarán de manifesto na Dirección Xeral de Turismo da Consellería de Cultura, Comunicación Social e Turismo, os días e horas hábiles de oficina, durante o prazo de presentación das proposicións, sita na praza de Mazarelos 15, Santiago de Compostela.

-Prazo de presentación de proposicións: comezará o día seguinte ó da publicación desta resolución no Diario Oficial de Galicia e rematará o décimo terceiro día natural.

-Lugar de presentación das proposicións: as proposicións terán que presentarse, unicamente, no Rexistro Auxiliar da Dirección Xeral de Turismo, situado na praza de Mazarelos 15, Santiago de Compostela, no da Consellería de Cultura, Comunicación Social e Turismo, situado na planta segunda do edificio administrativo San Caetano, bloque 3, Santiago de Compostela, ou no rexistro xeral da Xunta de Galicia, situado na planta baixa do edificio central do complexo administrativo San Caetano, Santiago de Compostela, e se a presentación fose en sábado farase neste último exclusivamente, desde as 9.00 horas ata as 14.00 horas, ou por correo, da forma indicada no artigo 80 do Regulamento xeral da Lei de contratos das administracións públicas, tendo que aterse ó disposto no prego de cláusulas administrativas particulares.

-Documentación que deben presenta-los licitadores: a especificada no prego de cláusulas administrativas.

-Apertura de proposicións: terá lugar en acto público, na sala de xuntas da Consellería de Cultura, Comunicación Social e Turismo, edificio administrativo San Caetano, bloque 3, Santiago de Compostela, ás 10.00 horas do décimo sétimo día natural seguinte ó da publicación desta resolución no Diario Oficial de Galicia. No caso de que este día coincida en sábado ou festivo, a mesa realizarase o día hábil seguinte.

-Información adicional: a solvencia e capacidade técnica acreditarase da forma prevista na cláusula 6 do prego de cláusulas administrativas particulares.

-Anuncio: o importe deste anuncio será por conta do adxudicatario.

Santiago de Compostela, 14 de novembro de 2003.

Jesús Pérez Varela

Conselleiro de Cultura, Comunicación Social

e Turismo