Aprobados pola Comisión de Goberno do Concello, en sesión que tivo lugar o día 13 de novembro de 2003, os pregos de cláusulas económico-administrativas e de prescricións técnicas para a redacción do Plan Xeral de Ordenación Municipal, expóñense ó público polo prazo de oito días. Simultaneamente, anúnciase concurso, con procedemento aberto e tramitación urxente, para a contratación dos traballos de redacción do Plan Xeral de Ordenación Municipal: 1. Entidade adxudicadora: Concello de Paderne. 2. Obxecto: contratación dos traballos de redacción do Plan Xeral de Ordenación Municipal. 3. Prazo de entrega e fases de execución: o adxudicatario entregará os traballos a través do rexistro xeral do concello, segundo o plan de fases de execución establecido na cláusula cuarta do prego. 4. Orzamento: 49.858,80 euros. 5. Garantía provisional: 2% do orzamento. 6. Garantía definitiva: 4% do prezo de adxudicación. 7. Requisitos específicos do contratista: os que figuran na cláusula novena do prego.
8. Proposicións: presentaranse no rexistro do concello dentro do prazo de oito días naturais contados desde o día seguinte ó da última publicación no Diario Oficial de Galicia ou no BOP. 9. Documentacións: as proposicións presentaranse en tres sobres denominados: -Sobre A: Oferta económica, conterá a oferta económica principal e as variantes que considere oportunas o licitador, formalizadas conforme o modelo que figura como anexo ó prego de cláusulas. -Sobre B: Documentación xeral, conterá a documentación esixida na cláusula novena do prego. -Sobre C: Referencias técnicas, conterá a documentación acreditativa das referencias técnicas esixidas na cláusula novena do prego. 10. Apertura de plicas: terá lugar ás 13.00 horas do segundo día hábil seguinte a aquel en que remate o prazo de presentación de proposicións; se coincidise en sábado, será o seguinte día hábil.
Paderne, 13 de novembro de 2003.
César Longo Queijo
Alcalde-presidente