Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa.

Domicilio social: avda. de Arteixo, 171, 27007 A Coruña.

Denominación: L.M.T. e C.T. en travesía Diego Pazos.

Situación: Sarria.

Descricións técnicas:

-L.M.T. subterránea, tensión de subministración 20 kV, con orixe en L.M.T. subterránea existente a C.T. Diego Pazos e final en C.T. travesía Diego Pazos. Lonxitude 60 m.

-C.T. de travesía Diego Pazos, potencia 400 kVA e relación de transformación 20.000/380-220 V.

Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpoñer recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da notificación desta resolución; tamén se pode interpor calquera outro recurso que se considere pertinente.

Lugo, 2 de outubro de 2003.

Jesús Bendaña Suárez

Delegado provincial de Lugo