De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de decembro), modificada pola Lei 4/1999, do 13 de xaneiro (BOE nº 12, do 1 de xaneiro), notifícaselle á persoa que a continuación se relaciona a resolución do expediente sancionador nº OU-S-66/2003, da Delegación Provincial de Cultura, Comunicación Social e Turismo de Ourense, xa que, intentada polos medios habituais, non se puido practicar.

Esta resolución non esgota a vía administrativa, e contra ela os interesados poderán interpoñer recurso de alzada perante o conselleiro de Cultura, Comunicación Social e Turismo, no prazo dun (1) mes desde o día seguinte ó da súa publicación, sen prexuízo de que os interesados poidan interpoñer calquera outro que consideren oportuno.

De non presentar recurso no devandito prazo, a sanción devirá firme e executiva e poderase facer efectiva en período voluntario no subseguinte prazo de quince días (15) hábiles, mediante transferencia bancaria a favor do Tesouro da Facenda galega, en calquera oficina de Caixa Galicia (conta contable 840, código 001) e Caixanova (modelo XTAX). De non efectuarse o ingreso no citado prazo, procederase á súa exacción por vía executiva, segundo o disposto pola Orde do 23 de novembro de 2001, pola que se regula o procedemento de recadación voluntaria e executiva das multas e sancións da Consellería de Economía e Facenda (DOG nº 235, do 5 de decembro).

Ourense, 22 de outubro de 2003.

José Luis Pérez Pérez

Delegado provincial de Ourense

ANEXO

Expediente: OU-S-66/2003.

Titular sancionado: Manuel de Carballo de Almeida.

Establecemento: club El Foco.

Domicilio: Fumaces.

Localidade: Riós.

Resolución: 3 de setembro de 2003.

Preceptos infrinxidos: artigos 78.2º e 16.10º da Lei 9/1997, do 21 de agosto, e os artigos 1, 6 e 7 do Decreto 297/2002, do 24 de outubro.

Tipificación da infracción: artigo 86.1º e 86.5º da Lei 9/1997, do 21 de agosto.

Sanción: cento cincuenta euros (150 euros) para cada unha das infraccións.