Por Orde do 6 de agosto de 2003 (DOG nº 159, do 19 de agosto) convocáronse as axudas para a realización de proxectos de investigación sobre materias turísticas dentro do programa de ciencias sociais do Plan Galego de Investigación, Desenvolvemento e Innovación Tecnolóxica.

Conforme o disposto no punto quinto das bases da convocatoria, procedeuse á revisión das solicitudes comprobando se a documentación presentada

é a correcta. As solicitudes admitidas foron avaliadas pola comisión designada polo director xeral de Investigación e Desenvolvemento, de acordo co establecido no punto sexto das bases da convocatoria.

En consecuencia, e atendendo á proposta elaborada pola comisión, esta consellería

RESOLVE:

Primeiro.-Concederlle-las axudas para a realización de proxectos de investigación sobre materias turísticas dentro do programa de ciencias sociais do Plan Galego de Investigación, Desenvolvemento e Innovación Tecnolóxica, ás persoas que se relacionan no anexo desta resolución.

Estas axudas imputaranse á aplicación orzamentaria 08.05.432A.781.0 dos orzamentos da Comunidade Autónoma de Galicia para 2003 e 2004.

Segundo.-A inobservancia por parte dos beneficiarios de calquera das obrigas establecidas nas bases da convocatoria suporá a perda do dereito a percibi-la subvención correspondente.

Terceiro.-Contra a presente resolución poderán os interesados interpoñer potestativamente recurso de reposición ante o mesmo órgano no prazo dun mes, contado a partir do día seguinte ó da publicación no Diario Oficial de Galicia. De non estima-la interposición deste recurso, poderase interpoñer recurso contecioso-administrativo ante a Sala do Contecioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 10 de novembro de 2003.

P.D. (Orde 21-1-2003, DOG do 27 de xaneiro)

Jesús Vázquez San Luis

Secretario xeral da Consellería

de Innovación, Industria e Comercio

ANEXO