Aprobado polo Pleno do Concello de Vigo en sesión do 29 de setembro de 2003, o expediente de contratación e prego de cláusulas para o alleamento en poxa pública á alza da cota pro indiviso pertencente ó concello na parcela resultante nº 2-B do proxecto de compensación do polígono B SUP PP 1 Finca Solita, exponse ó público durante oito días, contados a partir do seguinte ó da publicación deste anuncio, para que poidan presentarse reclamacións por quen se considere interesado. Igualmente, anúnciase a poxa, aprazándose a licitación se resultase necesario por formularse reclamacións contra o prego de cláusulas.

1. Entidade adxudicadora.

Concello de Vigo.

2. Obxecto do contrato.

A venda mediante poxa á alza da cota pro indiviso pertencente ó concello na parcela resultante nº 2-B do proxecto de compensación do polígono B SUP PP 1 Finca Solita.

3. Duración do contrato.

O concello trasladará a propiedade e posesión da súa cota indivisa sobre a parcela descrita mediante o outorgamento de escrita pública ante notario ou certificación do secretario do concello, dentro dos quince días seguintes ó da data de adxudicación.

4. Procedemento e forma de adxudicación.

Poxa pública á alza, procedemento aberto.

5. Orzamento de licitación.

368.170,60 euros, máis IVE. A parcela queda afecta ó pagamento dos custos de urbanización que correspondan.

6. Obtención de documentación e información.

Oficina de Información Urbanística da Xerencia Municipal de Urbanismo, en horario de 9.00 a 13.30 horas, ata o día anterior o do remate do prazo de presentación de propostas.

7. Presentación de propostas e prazo.

No Rexistro Xeral da Xerencia Municipal de Urbanismo do Concello de Vigo, dentro do prazo de 15 días naturais, contados a partir do día seguinte do derradeiro anuncio no BOP e DOG, en horario de 9.00 a 13.30 horas, ou por correo na forma regulamentariamente establecida.

8. Documentación que hai que presentar.

A solicitada no prego de cláusulas administrativas.

9. Apertura de ofertas.

O primeiro martes seguinte ó que remate o prazo sinalado para a presentación de ofertas. Se coincide

en día inhábil ou se por causas de forza maior non puidese realizarse, esta terá lugar o primeiro día hábil seguinte.

10. Gastos.

A cargo do adxudicatario, incluído o de publicación deste anuncio.

Vigo, 14 de outubro de 2003.

Mauricio Ruiz Ceniceros

Vicepresidente da Xerencia

de Urbanismo