DOG 222 do 14/11/2003 - RESOLUCIÓN do 4 de novembro de 2003, da Dirección Xerencia do Hospital do Meixoeiro de Vigo, pola que se anuncia a contratación, polo sistema de concurso e procedemento aberto con tramitación anticipada, para a contratación da subministración de deterxentes para a lavandería. (Expediente 1/2004).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 4 de novembro de 2003, da Dirección Xerencia do Hospital do Meixoeiro de Vigo, pola que se anuncia a contratación, polo sistema de concurso e procedemento aberto con tramitación anticipada, para a contratación da subministración de deterxentes para a lavandería. (Expediente 1/2004).

O director xerente do Hospital do Meixoeiro de Vigo, en virtude das atribucións que lle foron delegadas por Orde do 14 de marzo de 2002, sobre delegación de competencias nos órganos centrais e periféricos do Servicio Galego de Saúde, e unha vez cumpridos os trámites administrativos correspondentes, resolve convoca-lo seguinte concurso:

Expediente: 1/2004.

Obxecto: contratación da subministración de deterxentes.

Orzamento: 214.000 euros.

Fianza provisional: 4.280 euros.

Forma de adxudicaión: concurso polo procedemento aberto.

Prazo de entrega: ver prego de cláusulas administrativas particulares.

Admisión de variantes: non se admiten variantes.

Solvencia económica e técnica: ver prego de cláusulas administrativas particulares.

Criterios de adxudicación: os establecidos no prego de cláusulas administrativas particulares que rexen estte concurso.

Documentos de interese para os licitadores: o prego de cláusulas administrativas particulares e demais documentación complementaria poden ser solicitados na Unidade de Contratación Administrativa do Hospital do Meixoeiro, O Meixoeiro s/n, 36200 de Vigo. En días laborables desde as 9.00 ás 14.00 horas. Teléfono: 986 81 11 59, fax: 986 81 11 39.

Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral deste hospital, antes das 14.00 horas do décimo quinto día natural contado a partir

do seguinte ó da publicación desta resolución no Diario Oficial de Galicia, ou enviadas por correo, dentro do prazo sinalado.

Apertura de proposicións: terá lugar na sala de xuntas do Hospital do Meixoeiro, a partir das 9.00 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: os anuncios deste concurso serán por conta do adxudicatario do contrato.

Vigo, 4 de novembro de 2003.

Carlos Paz Miño

Director xerente do Hospital do Meixoeiro de Vigo