De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona a proposta de resolución dictada polo instructor no expediente que por infracción á Lei 1/1993, do 13 de abril, de protección de animais domésticos e salvaxes en catividade, e á Lei 50/1999, do 23 de decembro, sobre o réxime xurídico da tenza de animais potencialmente perigosos, se está a tramitar nesta delegación.
Para efectos previstos no artigo 19 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o denunciado disporá dun prazo de quince días hábiles, contados a partir do seguinte ó da publicación desta notificación, para examina-lo expediente, no Servicio de Medio Ambiente Natural, sito na r/ Benito Corbal, nº 47-5ª planta, e presenta-las alegacións que considere convenientes.
Pontevedra, 15 de outubro de 2003.
José Antonio López Rodríguez
Delegado provincial de Pontevedra
ANEXO
Expediente: PO-A-2003/24.
Denunciada: Amelia González Piñeiro.
Último enderezo coñecido: Verdeal, nº 131 de Domaio-Moaña (Pontevedra).
Feitos denunciados: omiti-la inscrición dun can potencialmente perigoso (de raza Rottweiler) no Rexistro Municipal de Animais Pontencialmente Perigosos, e non telo debidamente vacinado.
Preceptos infrinxidos: artigo 13.2º c) da Lei 50/1999, do 23 de decembro, sobre o réxime xurídico da tenza de animais potencialmente perigosos, e artigo 21.1º h) da Lei 1/1993, do 13 de abril, de protección de animais domésticos e salvaxes en catividade.
Precepto sancionador: artigo 13 da Lei 50/1999, do 23 de decembro, sobre o réxime xurídico da tenza de animais potencialmente perigosos, e artigo 24 da Lei 1/1993, do 13 de abril, de protección de animais domésticos e salvaxes en catividade.
Sanción: 600 euros.