Pola presente cédula, e debido a que os debedores comprendidos na relación que a continuación se insire, non puideron ser atopados nos enderezos que figuran nos rexistros deste centro, ou que se alegaron distintos motivos para non recibi-las notificacións polas persoas que a lexislación autoriza para facerse cargo delas, comunícase que:

Deberán ingresa-lo importe da débeda na conta bancaria 00460101650000401197 do Banco Gallego sucursal 0101 nos prazos que se sinalan no artigo 20 do R.D. 1684/1990, do 20 de decembro, polo que se aproba o Regulamento xeral de recadación (RXR), modificado a través de R.D. 448/1995, do 24 de marzo (BOE nº 74, do 28 de marzo).

Se se realiza o ingreso unha vez transcorridos os prazos establecidos no dito artigo 20 do RXR, esixiranse os correspondentes xuros de demora (artigo 21 da Lei 11/1992, do 7 de outubro, DOG nº 200, do 14 de outubro, de réxime financeiro e orzamentario de Galicia).

Transcorridos 6 meses desde a finalización sen que se produza o cobro, iniciarase o período executivo.

Contra esta liquidación poderase interpoñer no prazo de 15 días hábiles, a partir do seguinte a esta notificación, recurso potestativo de reposición ante o órgano emisor ou, no mesmo prazo, reclamación económico-administrativa ante o Tribunal Económico Administrativo da Comunidade Autónoma.

Para que conste e sirva de notificación ó interesado e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, expido, asino e selo esta cédula.

A Coruña, 16 de outubro de 2003.

Jesús Caramés Bouzán

Director xerente do Complexo Hospitalario

Universitario Juan Canalejo-Marítimo Oza da Coruña

ANEXO