Vista a proposta elevada polo tribunal cualificador das probas selectivas de acceso á escala auxiliar administrativa da Universidade de Vigo, convocadas por Resolución do 2 de xaneiro de 2002 (DOG do 25 de xaneiro).

Verificada a concorrencia dos requisitos esixidos nas bases da convocatoria e realizado o acto de elección de destinos definitivos polos aspirantes.

Consonte o disposto na Lei 4/1988, do 26 de maio, da función pública de Galicia, no Decreto 95/1991, do 20 de marzo, polo que se aproba o Regulamento de selección do persoal da Administración da Comunidade Autónoma de Galicia, na Lei orgánica 6/2001, do 21 de decembro (BOE do 24 de decembro), de universidades, e nos estatutos da Universidade de Vigo, este rectorado

RESOLVEU:

Primeiro.-Nomear funcionarios de carreira da escala auxiliar administrativa da Universidade de Vigo os aspirantes aprobados que se relacionan no anexo, ordenados consonte a puntuación final acadada e con especificación do destino adxudicado.

Segundo.-Para adquiri-la condición de funcionario de carreira, as persoas que se relacionan deberán cumpri-los requisitos esixidos no artigo 45 da Lei 4/1988, do 26 de maio, e tomar posesión do corres

pondente posto de traballo no prazo dun mes, contado a partir do día seguinte ó da publicación desta resolución no Diario Oficial de Galicia.

Contra esta resolución, que esgota a vía administrativa, os interesados poderán interpoñer recurso contencioso-administrativo de conformidade co establecido na Lei reguladora da xurisdicción conten

cioso-administrativa, dentro do prazo de dous meses contados a partir do día seguinte ó da publicación desta resolución no Diario Oficial de Galicia.

Vigo, 7 de novembro de 2003.

Domingo Docampo Amoedo

Rector da Universidade de Vigo

ANEXO