Por Resolución do 7 de outubro de 2003 publicada no DOG número 198, do 13 de outubro, apróbanse as relacións de aspirantes admitidos e excluídos ós procesos selectivos para o ingreso na categoría 011 (titulado superior pedagogo) e 040 (titulado superior lingüista) correspondente ó grupo I do persoal laboral fixo da Xunta de Galicia.

Transcorrido o prazo regulamentario para a emenda, se é o caso, de defectos relativos ás citadas relacións de admitidos e excluídos e emendados estes, de conformidade co establecido nas bases I.4.2 que

rexen as probas selectivas convocadas pola Orde do 6 de agosto de 2003, publicada no DOG do 26 de agosto de 2003, a Dirección Xeral da Función Pública

RESOLVE:

Primeiro.-Aproba-las listas definitivas de admitidos e excluídos, pola quenda de acceso libre, ós procesos selectivos para o ingreso nas distintas categorías correspondentes ó grupo I do persoal laboral fixo da Xunta de Galicia.

Segundo.-A relación definitiva de aspirantes admitidos estará exposta nos taboleiros de anuncios da Consellería da Presidencia, Relacións Institucionais e Administración Pública, nos das súas delegacións provinciais e nas oficinas comarcais da Xunta de Galicia.

O feito de figurar na relación de admitidos non prexulga, en ningún caso, o cumprimento dos requisitos que, para o acceso a cada categoría, se recollen na base I.2 da respectiva orde de convocatoria, e todo iso en relación coa base V desta.

Para solicitar información o teléfono de contacto é o 902 12 00 12, das 9.00 ás 19.00 horas de luns a venres, e das 9.00 ás 14.00 horas os sábados.

Terceiro.-Publica-la relación de excluídos nas distintas categorías, con referencia á/s causa/s de exclusión, figurando tal relación como anexo I a esta resolución.

Cuarto.-De conformidade co disposto na base I.3.1, cuarto parágrafo, os aspirantes excluídos disporán dun prazo dun mes, contado a partir do día seguinte ó da publicación desta resolución no DOG, para solicita-la devolución dos dereitos de exame aboados.

Para facer efectivo o disposto no parágrafo anterior, os interesados dirixirán escrito á Dirección Xeral da Función Pública onde fagan constar con claridade os seguintes datos:

-Nome e apelidos.

-DNI.

-Grupo/s e categoría/s ás que optaban.

-Datos bancarios, con especificación do código da entidade bancaria, código da sucursal e número de conta á que desexen que se lles efectúe a transferencia polo importe aboado.

Quinto.-Contra esta resolución, que pon fin á vía administrativa, poderase interpoñer recurso potestativo de reposición perante o conselleiro da Presidencia, Relacións Institucionais e Administración Pública no prazo dun mes contado desde o día seguinte ó da publicación desta resolución, ou directamente recurso contencioso-administrativo, no prazo de dous meses contados desde o día seguinte

ó da súa publicación, perante o Xulgado do Contencioso-Administrativo de Santiago de Compostela, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 6 de novembro de 2003.

Belén Prado Sanjurjo

Directora xeral da Función Pública

ANEXO I

Grupo I - Categoría 011 (titulado/a

superior pedagogo/a)

Causas de exclusión