Por este edicto, e debido a que os debedores comprendidos na relación que a seguir se insire, non deron sido atopados nos domicilios que figuran nos rexistros da Administración tributaria ou que se alegaron distintas causas para non recibi-las notificacións polas persoas que a lexislación autoriza para se facer cargo delas, fáiselles sabe-lo seguinte:

Notifícaselles ós debedores conforme o artigo 103 do Regulamento xeral de recadación (Real decreto 1684/1990, do 20 de decembro), que ó non ter sido satisfeita a débeda de referencia no prazo de ingreso no período voluntario en virtude do establecido no artigo 127 da Lei xeral tributaria o órgano competente arriba indicado acordou:

En uso das facultades que me confiren os artigos 100 e 106 do Regulamento xeral de recadación, liquida a recarga de constrinximento polo 20% do importe da débeda pendente e dicto providencia de constrinximento para que se proceda executivamente contra o patrimonio ou garantías dos debedores, en caso de non se produci-lo ingreso nos prazos sinalados no artigo 108 do citado regulamento.

Datos do contribuínte: Arte Indonesio, S.L.

(B29836095), Ur. Torrenueva, 327, Mijas.

Concepto/descrición/obx. trib.: recadación sancións transportes OU.

Clave liquidación: C1100003320040240.

Importe: 180,30.

D. prov. const.: 3-6-2003.

-Recursos.

Recurso de reposición ante o órgano que dictou a providencia de constrinximento, no prazo de 15 días contados desde o seguinte ó do recibo desta notificación ou reclamación económico-administrativa, ante o tribunal competente da dita xurisdicción, no mesmo prazo, sen que se poidan simultanear ámbolos recursos.

-Motivos de impugnación.

O procedemento de constrinximento poderase impugnar polos seguintes motivos (artigo 138.1º da Lei xeral tributaria e artigo 99.1º do Regulamento xeral de recadación).

Pagamento ou extinción da débeda.

Prescrición.

Aprazamento.

Falta de notificación da liquidación ou anulación ou suspensión dela.

Defecto formal no título expedido para a execución.

-Suspensión do procedemento.

O procedemento de constrinximento, aínda que se interpoña recurso, soamente se suspenderá nos termos e condicións sinalados no artigo 101 do Regulamento xeral de recadación (Real decreto 1684/1990, do 20 de decembro).

-Solicitude de aprazamento.

Conforme establece o artigo 48 do Regulamento xeral de recadación, poderase adiar ou fracciona-lo pagamento das débedas no período executivo.

A presentación das solicitudes de adiamento ou fraccionamento efectuarase na delegación ou administracións da AEAT do territorio no que se deba efectua-lo pagamento.

-Lugar de pagamento.

Na entidade que presta o servicio de caixa da delegación Administración da AEAT.

-Xuros de demora.

As cantidades debidas, excluída a recarga de constrinximento, devengarán xuros de demora desde o día seguinte ó vencemento da débeda en período voluntario ata a data do seu ingreso. O tipo de xuro fixarase de acordo co establecido nos artigos 58 da Lei xeral tributaria e 36 de Lei xeral orzamentaria, segundo se trate de débedas tributarias ou non tributarias respectivamente.

-Custas.

En caso de se produciren custas no procedemento, a Administración repercutirá o seu importe ó debedor, conforme o establecido nos artigos 153 e 157 do Regulamento xeral de recadación.

-Prazos para efectua-lo ingreso.

(Artigo 108 do Regulamento xeral de recadación).

a) Recibida a notificación entre os días 1 e 15 de cada mes, ata o 20 do dito mes, ou inmediato hábil posterior.

b) Recibida a notificación entre os días 16 e derradeiro de cada mes, ata o 5 do mes seguinte, ou inmediato hábil posterior.

-Comparecencia do interesado.

Advírteselle ó debedor que pode comparecer, por si mesmo ou por medio de representante, no expediente executivo que se lle segue. Transcorridos oito días desde a publicación deste anuncio, se comparece-lo interesado, terase por notificado de tódalas sucesivas dilixencias ata que remate a substanciación do procedemento sen prexuízo do dereito que o asiste a comparecer.

Málaga, 17 de setembro de 2003.

Juan Manuel Moreno Ruíz

Xefe do servicio da Dependencia de Recadación

de Málaga