A Comisión de Goberno, na sesión do 29 de outubro de 2003, aprobou, o prego de cláusulas administrativas particulares e o prego de prescricións técnicas que van rexe-lo expediente de contratación de subministración mediante concurso por procedemento aberto, tramitación urxente, para á adquisición dun vehículo todo terreo equipado para a loita contra incendios, modelo IPV M 14.22, URO F3-21.14.09 ou outro de similares características.
Anúnciase concurso conforme as seguintes prescricións:
Entidade adxudicadora: Concello de Quiroga.
Organismo: Comisión de Goberno.
Dependencia que tramita o expediente: Secretaría do Concello.
1. Obxecto do contrato.
Compra dun vehículo todo terreo equipado para a loita contra incendios, modelo IPV M 14.22, URO F3-21.14.09 ou outro de similares características conforme o prego de cláusulas administrativas particulares, así como o prego de prescricións técnicas.
2. Lugar de execución: Municipio de Quiroga. Prazo de execución: entrega do vehículo antes do 20 de xaneiro de 2004.
3. Tramitación, procedemento e forma de adxudicación.
Tramitación: urxente.
Procedemento: aberto.
Forma: concurso.
4. Orzamento base de licitación: contía 127.020 euros (IVE incluído).
5. Garantías.
Provisional: equivalente ó 2% do orzamento do contrato base da licitación na forma prevista no prego de cláusulas administrativas.
Definitiva: 4% e segundo o prego de cláusulas administrativas e TRLCAP.
6. Obtención de documentación e información.
a) Entidade: Concello de Quiroga.
b) Domicilio: rúa Real nº 52.
c) Localidade e código postal: Quiroga 27320.
Teléfono: 982 42 80 01.
Telefax: 982 42 88 08.
Data límite de obtención de documentación e información: o día anterior ó remate do prazo de presentación das proposicións.
Outros requisitos: os especificados no prego de cláusulas administrativas e no prego de prescricións técnicas.
7. Presentación das ofertas.
Data límite da presentación: rematará ós 13 días naturais contados desde o seguinte ó da data de publicación do anuncio no BOP e no DOG, o que sexa posterior.
Documentación que hai que presentar: a que se especifica no prego de cláusulas administrativas particulares.
8. Lugar de presentación: rexistro xeral do Concello de Quiroga.
9. Gastos de anuncios: por conta do adxudicatario.
Quiroga, 29 de outubro de 2003.
Julio Álvarez Núñez
Alcalde