O Instituto Galego de Medicina Técnica abre o prazo de presentación de instancias para a confección das novas listas de candidatos para contratacións laborais temporais.
Todas aquelas persoas interesadas en participar no proceso de selección para a cobertura con carácter temporal de postos de traballo no instituto (ATS/DUE, auxiliar de clínica, técnico especialista, auxiliar administrativo, auxiliar sanitario e de servicios xerais, e auxiliar sanitario), poden consulta-las bases da convocatoria a través da páxina web (www.medtec.org) ou nas oficinas do Instituto Galego de Medicina Técnica da Estructura Administrativa Medtec, Hospital do Meixoeiro, O Meixoeiro s/n (36200 Vigo). As consultas ou dúbidas serán atendidas das 9.00 ás 14.00 horas no teléfono 981 57 76 50.
O prazo de presentación de candidaturas será de 15 días naturais, contados a partir do día seguinte a esta publicación no Diario Oficial de Galicia, nas dependencias anteriormente indicadas, en horario das 9.00 ás 14.00 horas.
Documentación que hai que presentar:
a) Modelo oficial de instancia (anexo 2).
b) Fotocopia do DNI.
c) Relación documental compulsada ou orixinal esixida na convocatoria.
Julio Villar
Director xerente do Instituto Galego
de Medicina Técnica, S.A.