Polas ordes do 29 de novembro de 2001 (DOG nº 238, do 11 de decembro e DOG nº 239, do 12 de decembro), modificadas polas ordes do 16 de abril de 2002 (DOG nº 80, do 25 de abril) convocouse proceso selectivo para o ingreso no corpo facultativo de grao medio da Xunta de Galicia (grupo B), escala técnica de vixilancia pesqueira e no corpo de axudantes facultativos da Xunta de Galicia (grupo C), escala de subinspección pesqueira e pola Orde do 8 de outubro de 2001 (DOG nº 199, do 15 de outubro) convocouse proceso selectivo para o ingreso en distintas escalas do corpo facultativo de grao medio da Xunta de Galicia (grupo B); unha vez elevadas

a definitivas as propostas de aspirantes que superaron estes procesos selectivos nas escalas técnica de vixilancia pesqueira, subinspección pesqueira e enxeñeiros técnicos forestais polas ordes do 20 de agosto de 2003 (DOG nº 165, do 27 de agosto), do 2 de setembro de 2003 (DOG nº 173, do 8 de setembro) e do 30 de setembro de 2003 (DOG nº 193, do 6 de outubro), e co obxecto de que os aspirantes que superaron os ditos procesos accedan á condición de funcionarios coa maior brevidade posible, esta consellería

DISPÓN:

Convoca-los aspirantes que superaron os procesos selectivos para o ingreso no corpo facultativo de grao medio da Xunta de Galicia (grupo B), escala técnica de vixilancia pesqueira, no corpo de axudantes facultativos da Xunta de Galicia (grupo C), escala de subinspección pesqueira e no corpo facultativo de grao medio da Xunta de Galicia (grupo B), escala de enxeñeiros técnicos forestais, para a elección de destino provisional, en único chamamento, no salón de actos pequeno da Consellería da Presidencia, Relacións Institucionais e Administración Pública sito no soto desta consellería no edificio administrativo de San Caetano en Santiago de Compostela o día 10 de novembro de 2003, ás 10 horas.

Os aspirantes poderán elixir segundo a orde acadada nos procesos selectivos convocados polas ordes do 29 de novembro de 2001 e 8 de outubro de 2001 entre os postos que se relacionan no anexo I (escala técnica de vixilancia pesqueira), anexo II ( escala de subinspección pesqueira) e anexo III (escala de enxeñeiros técnicos forestais).

Os aspirantes deberán ir provistos de DNI ou outro documento que acredite fidedignamente a súa personalidade.

Os que non comparezan persoalmente poderán ser representados por terceiras persoas con poder notarial suficiente.

Unha vez rematado o proceso de adxudicación das prazas ós aspirantes presentes ou representados, ós que non comparezan persoalmente nin por medio de representantes seranlles adxudicadas en destino provisional as prazas que lles correspondan atendendo á orde de publicación destas e ó número obtido no proceso selectivo, entre as que quedasen sen adxudicar.

Santiago de Compostela, 30 de outubro de 2003.

Jaime Pita Varela

Conselleiro da Presidencia, Relacións

Institucionais e Administración Pública

ANEXO I

Escala técnica de vixilancia pesqueira

ANEXO II

Escala de subinspección pesqueira

ANEXO III

Escala de enxeñeiros técnicos forestais

CONSELLERÍA DE XUSTIZA, INTERIOR E ADMINISTRACIÓN

LOCAL