De conformidade co establecido no artigo 59.4º da Lei de réxime xurídico das administracións públicas e do procedemento administrativo común, por este edicto ponse en coñecemento da empresa Exciga, S.L., titular do expediente 1/97.2091.0707.N.4900, relativo á axuda ó abeiro do convenio de apoio financeiro ás Pemes (Resolución do 28 de febreiro de 1997; DOG nº 58, do 25 de marzo), que con data do 18 de xullo de 2003 o presidente do Igape resolveu declarar incumpridas totalmente as condicións de concesión da subvención do expediente, e que se determina a revogación da axuda concedida e o reintegro das cantidades indebidamente percibidas, que son de 825,94 euros.

Os actos obxecto deste anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. A resolución de incumprimento total non esgota a vía administrativa e contra esta poderá interpor recurso de alzada, ante o conselleiro de Economía e Facenda, no prazo dun mes desde a publicación deste edicto no Diario Oficial de Galicia, o expediente pónselle de manifesto á entidade neste centro directivo sito en Santiago de Compostela, complexo administrativo San Lázaro, s/n.

Santiago de Compostela, 6 de outubro de 2003.

Margarita Rodríguez Rama

Directora xeral do Instituto Galego

de Promoción Económica