De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27 de novembro), para a provisión da praza número 01/180 de profesor titular de escola universitaria da área de coñecemento de anatomía e embrioloxía humana, do departamento de Medicina desta universidade, a favor de Isaac Manuel Fuentes Boquete, e unha vez que o interesado acreditase os requisitos ós que alude o punto 2º do artigo 5 do Real decreto 1888/1984, do 26 de setembro.

Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades e demais disposicións que a desenvolven, resolveu nomear a Isaac Manuel Fuentes Boquete profesor titular de escola universitaria da área de coñecemento de anatomía e embrioloxía humana, do departamento de Medicina desta universidade.

A Coruña, 10 de outubro de 2003.

P.D. (Resolución 26-9-2003)

Eliseo Alfonso Barca Lozano

Rector da Universidade da Coruña en funcións