Para os efectos previstos na Lei 54/1997, do 27 de novembro (BOE nº 285), do sector eléctrico, e
no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: recuamento provisional L.M.T. cruzamento Río Xubia.
Situación: Narón e Neda.
Descricións técnicas: liña eléctrica aérea de media tensión a 15/20 kV, sobre apoios de formigón e con conductor LA-56, de 110 m de lonxitude, coa orixe no apoio paso subterráneo-aéreo na liña que alimenta o C.T. Rivera e final no apoio liña existente (expediente 24/2002), unha vez pasada a ría ó lado pasarela peonil, que se vai instalar.
Liña eléctrica subterránea de media tensión a 15/20 kV, baixo tubo e con conductor R.H.V. 12/20 kV de 3(1x95) mm Al, de 60 m de lonxitude desde arqueta lado pasarela da liña que alimenta o C.T. Rivera ó apoio paso subterráneo-aéreo da liña citada no parágrafo anterior. Concellos de Narón e Neda.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 22 de setembro de 2003.
Jesús Espada Martínez
Delegado provincial da Coruña