Ana María Carrasco García, secretaria do Xulgado do Social número catro da Coruña, dá fe e certifica que neste xulgado se seguen autos número 168/2003, por instancia de Pilar Couso Reigosa e outras contra Cartex 2001, S.L. sobre cantidade, nos que recaeu sentencia, con data do 24 de setembro de 2003, copiada nos particulares necesarios, di así:
«Decido que estimando a demanda promovida por Pilar Couso Reigosa, Purificación Santiso Seijo e Elena López López contra Cartex 2001, S.L., debo condenar e condeno a demandada a que aboe ás demandantes, por tódolos conceptos reclamados en demanda, as cantidades seguintes: a Pilar Couso Reigosa, 1.783,89 euros; a Purificación Santiso Seijo, 2.160,77 euros y a Elena López López, 2.537,65 euros.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia, no prazo de cinco días contados a partir do seguinte ó da súa notificación, anunciando o propósito de presentalo mediante comparecencia ou por escrito, é indispensable que, ó tempo de anuncialo, o recorrente, se é empresario, exhiba diante deste xulgado do social o xustificante acreditativo de ter despositado na conta aberta en Grupo Banesto (Banco Español de Crédito, S.A. e Banco de Victoria, S.A.) co número 5.605 0000 60 0168 03, a cantidade obxecto de condena, poderá substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non se poderá ter por anunciado o recurso e quedará firme a sentencia. Deberase consignar, ademais, a cantidad de 150,25 euros na mesma conta 5.605 0000 65 0168 03 e entrega-lo xustificante na
secretaría, ó tempo de interpoñe-lo recurso, que se declarará desistido de non constituírse o dito depósito na forma indicada. Definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación á empresa Cartex 2001, S.L., expido e asino esta cédula na Coruña, 24 de setembro de 2003.
A secretaria xudicial
Rubricado
