Ponse en coñecemento de tódolos interesados na concentración parcelaria de Riotorto-Bardaio de Cores (Ponteceso-A Coruña) o seguinte:
Primeiro.-Con data do 24 de xullo de 2003 o director xeral de Infraestructuras Agrarias aprobou o acordo de concentración parcelaria da zona de Riotorto-Bardaio de Cores (Ponteceso-A Coruña), que estará exposto ó público no Concello de Ponteceso, de conformidade co que determine a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro.
Segundo.-Os documentos que se poden examinar no citado concello refírense ós predios de substitución onde constan as situacións xurídicas derivadas das parcelas de procedencia, as fichas de atribucións, os planos e outros.
Terceiro.-Contra o devandito acordo, que non é definitivo na vía administrativa, os interesados poderán interpoñer recurso de alzada perante o conselleiro de Política Agroalimentaria e Desenvolvemento Rural no prazo de 30 días contados a partir do día seguinte ó da súa notificación persoal ou publicación substitutiva.
A Coruña, 9 de setembro de 2003.
Jesús Collar Urquijo
Delegado provincial da Coruña