Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño en autos seguidos perante este xulgado, tramitados baixo o número 455/2003, por instancia de Pablo Valiño Bouzas, contra S.U.C. Noroeste Servicios, S.L., sobre salarios, dictouse a seguinte:

«Sentencia.-Na cidade da Coruña, o 26 de setembro de 2003, Jorge Hay Alba, maxistrado-xuíz do Social número dous desta cidade, viu os presentes autos de xuízo número 455/2003, seguidos por instancia de Pablo Valiño Bouzas, maior de idade, asistida polo letrado Santiago Güemez Abad, contra a empresa S.U.C. Noroeste Servicios, S.L. que non compareceu nos autos, sendo o obxecto da reclamación, salarios.

Seguen feitos e fundamentos de dereito.

Decido que debo estimar e estimo a demanda interposta por Pablo Valiño Bouzas contra S.U.C. Noroeste Servicios, S.L., condenando a demandada a lle aboar ó demandante a cantidade de 2.456,81 euros polos conceptos reclamados na demanda máis o 10% de xuros.

Notifíqueselles esta resolución ás partes, ás que se lles fará saber que, contra ela, só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta

sentencia e, no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no Banesto desta cidade, co número de conta 0030-6349-0000-5603-60-455-03, facendo constar no ingreso o número do expediente.

E, así mesmo, deberá, no momento de interpo-lo recurso, consigna-la cantidade de 150,25 euros en concepto de depósito en especial para recorrer na conta 0030-6349-0000-5603-65-455-03.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que lle sirva de notificación á empresa, que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña o 26 de setembro de 2003.

Jaime Balado Yáñez

Secretario xudicial