O punto 2 da base oitava das diversas ordes da Consellería de Sanidade do 15 de febreiro de 2002 (DOG nº 40, do 25 de febreiro), polas que se convoca proceso extraordinario de consolidación de emprego para a selección e provisión de prazas de persoal estatutario das institucións sanitarias dependentes do Servicio Galego de Saúde, dispón que á vista das reclamacións presentadas e realizadas, se é o caso, as oportunas correccións, o tribunal publicará no Diario Oficial de Galicia o acordo que conteña a relación de aspirantes, por orde de puntuación obtida en cada unha das dúas partes, a de oposición e a de concurso, así como a puntuación total, que será a suma de ámbalas dúas. Para este efecto, a estimación ou desestimación das reclamacións presentadas entenderanse implícitas nesta publicación.

Así mesmo, a base décima establece que os aspirantes que superasen a fase de selección disporán dun prazo de vinte días naturais para presenta-la documentación pertinente.

Polo tanto, adoptado o acordo polos respectivos tribunais, procede agora darlle publicidade no DOG, facultándose para iso expresamente esta División de Recursos Humanos do Servicio Galego de Saúde, polo que,

RESOLVE:

Primeiro.-Publica-las relacións de aspirantes, pola súa orde definitiva de puntuación, da fase de selección do proceso extraordinario de consolidación de emprego, convocado polas diversas ordes da Consellería de Sanidade do 15 de febreiro de 2002 (DOG nº 40, do 25 de febreiro), que poden consultarse nos taboleiros de anuncios dos servicios centrais e periféricos da Consellería de Sanidade e do Sergas ou na súa páxina web (www.sergas.es).

De acordo co establecido no punto 3 da base oitava das citadas ordes, en caso de empate na puntuación final obtida na fase de selección, resolverase a favor do concursante que acredite o maior tempo total de servicios prestados nas institucións sanitarias da Seguridade Social dos servicios de saúde. De persisti-lo empate, resolverase a favor da mellor puntuación nos puntos 1.1 e 1.2 do baremo que figura como anexo I destas e pola súa orde.

Segundo.-Desestimar expresamente aquelas reclamacións presentadas contra a puntuación obtida na parte de concurso, que non modifiquen nestas listaxes definitivas a puntuación inicialmente exposta.

Terceiro.-Declarar rematada a fase de selección, declarando como aspirantes que superaron definitivamente esta os aspirantes incluídos, segundo a súa orde final, no número total de prazas que se vai cubrir, de conformidade co establecido nas respectivas ordes do 15 de febreiro de 2002 e sen prexuízo do establecido na base novena destas, coa seguinte distribución:

Cuarto.

1. Abri-lo prazo de 20 días naturais contados a partir do día seguinte a esta publicación para que os aspirantes que superaron a fase de selección presenten ante esta división a seguinte documentación:

a) Fotocopia compulsada do documento nacional de identidade ou pasaporte.

b) Declaración de non estar inhabilitado para o exercicio profesional ou desempeño de funcións públicas, nin de ser separado, mediante expediente disciplinario, do servicio de calquera Administración pública, para o que pode utilizarse o modelo proposto no anexo desta resolución.

c) Certificado médico oficial acreditativo da capacidade funcional para o desempeño das funcións propias da categoría.

d) No caso de acceder pola quenda de reserva para discapacitados, achegarase tamén unha fotocopia compulsada da certificación que recoñeza a devandita condición.

2. O persoal facultativo a que se refire a disposición transitoria primeira da Lei 16/2001, do 21 de novembro, que non presentase xustificación acreditativa da superación do procedemento extraordinario para a obtención do título de especialista regulamentado polo Real decreto 1497/1999, do 24 de setembro, deberán presentar ademais documentación acreditativa da dita superación.

3. Os aspirantes que tivesen a condición de persoal fixo das administracións públicas ou dos servicios de saúde estarán exentos de xustifica-las condicións e os requisitos xa acreditados para obte-lo seu anterior nomeamento; deben presentar certificación do centro de que dependan, acreditando a súa condición e demais circunstancias que consten no seu expediente persoal.

Quinto.-Se á vista da documentación presentada, se apreciase que algún aspirante seleccionado non cumpre algún dos requisitos esixidos na convocatoria, a División de Recursos Humanos dictará resolución motivada na que se declarará a perda dos dereitos que se puidesen derivar da súa participación no proceso selectivo e procederá a declarar que superou a fase de selección o seguinte aspirante en puntuación que cumpra cos requisitos esixidos na convocatoria e que superase o concurso-oposición e que inicialmente non figurase entre os que superaron a fase de selección.

Para estes efectos, a División de Recursos Humanos citará na forma conveniente a persoa afectada para a presentación, no prazo de cinco días naturais, da documentación establecida no punto cuarto.

Sexto.-Contra esta resolución, que esgota a vía administrativa, os interesados poderán interpoñer recurso contencioso-administrativo, no prazo de dous meses con

tados a partir do día seguinte ó da súa publicación no Diario Oficial de Galicia, ante o Xulgado do Contencioso-Administrativo competente, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa. Potestativamente, poderán interpoñer recurso de reposición ante esta división no prazo dun mes desde a mesma data, de conformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 14 de outubro de 2003.

José Ignacio Lema Piñeiro

Director xeral da División de Recursos Humanos

ANEXO

D/Dª..., DNI nº..., aspirante no proceso extraordinario de consolidación de emprego da categoría de..., de conformidade coa correspondente convocatoria,

Declaro:

Non estar inhabilitado para o exercicio profesional ou desempeño de funcións públicas, nin ser separado, mediante expediente disciplinario, do servicio de calquera Administración pública.

O que se manifesta para os efectos da superación da fase de selección do dito proceso, en... (lugar, data e sinatura).

Director xeral da División de Recursos Humanos do Servicio Galego de Saúde.