Mediante Orde do 23 de decembro de 1998 (DOG nº 9, do 15 de xaneiro), acordouse a cesión de uso

de bens mobles propiedade do Servicio Galego de Saúde a favor da Fundación Pública Hospital da Barbanza, por un período de cinco anos prorrogables por períodos sucesivos de igual duración.

Con data do 22 de xullo de 2003, a dirección da Fundación Pública Hospital da Barbanza solicitou a prórroga da cesión de uso. Para tal efecto tramitouse o pertinente expediente de conformidade co disposto no artigo 35 bis da Lei 3/1985, do 12 de abril, do patrimonio da Comunidade Autónoma

galega, incluído polo Decreto 238/1998, do 2 de xullo (DOG nº 156, do 13 de agosto) e modificado polo artigo 18 da Lei 7/2002, do 27 de decembro, de medidas fiscais e de réxime administrativo (DOG nº 251, do 30 de decembro), así como no artigo 96 bis do Regulamento do patrimonio da Comunidade Autónoma galega.

Por todo o exposto e en uso das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,

DISPOÑO:

Artigo 1º

Acórdase a prórroga da cesión de uso outorgada pola Orde do 23 de decembro de 1998, a favor da Fundación Pública Hospital da Barbanza, por un período de cinco anos, permanecendo inalterables as demais condicións da cesión de uso.

Artigo 2º

A prórroga da cesión formalizarase mediante acta subscrita polo secretario xeral do Sergas e o director da Fundación Pública, e deberá constar nela o acordo de prórroga e a aceptación do cesionario.

Disposición derradeira

O Servicio Galego de Saúde, a través da Secretaría Xeral e da División de Recursos Económicos, no marco das súas respectivas competencias, realizará os trámites necesarios para a efectividade de canto se dispón nesta orde.

Santiago de Compostela, 2 de outubro de 2003.

José María Hernández Cochón

Conselleiro de Sanidade