Por Orde do 19 de maio de 2003 (DOG do 26 de maio) convocáronse, entre outras accións do Pro-

grama de Recursos Humanos do Plan Galego de Investigación, Desenvolvemento e Innovación Tecnolóxica, prórrogas de bolsas para a realización de estudios de terceiro ciclo nas universidades do Sistema Universitario de Galicia.

No anexo I das bases da convocatoria recollidas na Orde do 19 de maio de 2003 (DOG do 26 de maio) e na Orde do 15 de xullo de 2002 (DOG do 24 de xullo), prevese a concesión de prórrogas de bolsas para realizar estudios de doutoramento.

As solicitudes admitidas para participar na dita convocatoria foron estudiadas pola correspondente comisión constituída por dous representantes da Dirección Xeral de Investigación e Desenvolvemento da Consellería de Innovación, Industria e Comercio, un representante da Dirección Xeral de Universidades da Consellería de Educación e Ordenación Universitaria e un representante de cada unha das tres universidades do Sistema Universitario de Galicia, segundo o disposto no punto 7.1 das bases da dita convocatoria e de acordo cos criterios establecidos no punto 7.2.

En consecuencia, e atendendo á proposta elaborada pola citada comisión, esta consellería

RESOLVE:

Primeiro.-Concede-la prórroga para a realización de estudios de terceiro ciclo ás persoas que se relacionan no anexo a esta resolución por un novo período de doce meses, comprendidos entre o día 1 de outubro de 2003 e o 30 de setembro de 2004. Estas bolsas están cofinanciadas polo Fondo Social Europeo.

Segundo.-O pagamento das bolsas farase segundo o establecido no punto 10 das bases da convocatoria.

Terceiro.-A Dirección Xeral de Investigación e Desenvolvemento adoptará as medidas necesarias para a formalización dos documentos de aceptación das bolsas ós que se fai referencia na base 10 da mencionada convocatoria e para a instrucción dos correspondentes expedientes de gasto.

Cuarto.-O incumprimento por parte dos beneficiarios de calquera das bases establecidas na orde da convocatoria do 15 de xullo de 2002 suporá a perda do dereito a percibi- la subvención correspondente.

Quinto.-Esta resolución pon fin á vía administrativa e contra ela poderán os interesados interpoñer potestativamente recurso de reposición ante o conselleiro de Innovación, Industria e Comercio no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous

meses contados a partir do día seguinte ó da publicación desta resolución no Diario Oficial de Galicia.

Santiago de Compostela, 14 de outubro de 2003.

P.D. (Orde 21-1-2003, DOG do 27 de xaneiro)

Jesús Vázquez San Luis

Secretario xeral da Consellería de Innovación, Industria e Comercio

ANEXO