Con data do 5 de setembro de 2003, o delegado provincial da Consellería de Sanidade dictou acordo de inicio do expediente sancionador nº 131/2003 incoado na Delegación Provincial da Consellería de Sanidade da Coruña, á Panadería Artesana Coruñesa, S.L.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio da presente cédula, e ó abeiro do disposto no número 5 do referido artigo, notifícase á Panadería Artesana Coruñesa, S.L. o contido do referido acordo que figura como anexo para que poida ter coñecemento del.
Así mesmo, fáiselle sabe-lo dereito que o asiste, ó abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta delegación provincial no prazo de 15 días hábiles, contados a partir do seguinte ó da publicación da presente cédula, lembrándolle-lo seu dereito de
consulta-lo expediente, depositado nas dependencias desta delegación, sita na rúa Gregorio Hernández, 2-4, A Coruña e obter, de se-lo caso, copia del, segundo o previsto na letra a) do artigo 35 da Lei 30/1992, do 26 de novembro.
Apercíbeselle tamén de que, de non efectuar alegacións sobre o contido do dito acordo no citado prazo, a iniciación poderá ser considerada proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do citado regulamento.
A presente cédula expídese para que conste e lle sirva de notificación ó interesado, en cumprimento do disposto no artigo 59.5º da Lei 30/1992, do 26 de novembro.
A Coruña, 25 de setembro de 2003.
Jorge Suanzes Hernández
Delegado provincial da Coruña
ANEXO
Nº expediente: 131/2003.
Denunciado: Panadería Artesana Coruñesa, S.L.
DNI/NIF: B15522501.
Último enderezo coñecido: Historiador Vedía. A Coruña.
Feito imputado: infracción á lexislación vixente en materia sanitaria.
Precepto/s presuntamente infrinxido/s: art. 35.A.3 da Lei 14/1986, xeral de sanidade; arts. 2.1º.1 e 2.2º do Real decreto 1945/1983 sobre infraccións e sancións en materia de defensa do consumidor e da producción agroalimentaria; art. 3, cap. I, cap. II, cap. X do Real decreto 2207/1995, polo que se establecen as normas de hixiene relativas ós productos alimenticios; título II do Real decreto 1137/1984 polo que se aproba a regulamentación para a fabricación, circulación e comercio de pan e pans especiais; Real decreto 202/2000 polo que se establecen as normas relativas ós manipuladores de alimentos.
Tipificación provisional: leve.
Sanción proposta: 601,01 euros. Seiscentos un euros con un céntimo.
