Outorgada a declaración de utilidade pública que leva implícita a urxente ocupación dos bens e dereitos afectados polas instalacións da liña eléctrica aérea a 15/20 kV, de 783 m de lonxitude, con orixe na L.M.T. proxectada Montemeá-Castizón, final no centro de transformación Congostro, e rede de baixa tensión no mesmo lugar, no termo municipal de Aranga (expediente 387/1998) por resolución desta delegación provincial do 7 de xullo de 2003, a favor

da entidade beneficiaria Unión Fenosa Distribución, S.A., con enderezo na avda. de Arteixo, nº 171, 15007 da Coruña.

Esta delegación acorda sinala-los días 17 e 18 de novembro de 2003 pra o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954, e 56 do seu Regulamento do 26 de abril de 1957, nas que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se expón xunto con esta resolución no taboleiro de edictos do Concello de Aranga, deducida da que se someteu a información pública no DOG, BOP e no xornal El Ideal Gallego do 25-1-1999, 21-1-1999 e 14-1-1999, respectivamente, acto ó que deberán concorrer-los propietarios propostos dos predios afectados, ós que se lles practicará notificación individual e se lles sinalarán os horarios de toma de datos sobre o terreo e do levantamento efectivo das actas nas oficinas da referida casa do concello.

Esta publicación realizarase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixirlle ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 9 de outubro de 2003.

Jesús Espada Martínez

Delegado provincial da Coruña