Examinado o expediente incoado por Francisco Negreira García solicitando o cesamento de actividades do centro privado Alcázar de Santiago de Compostela, motivado pola xubilación do titular do dito centro.

Resultando que o centro privado Alcázar de Santiago de Compostela obtivo, por Resolución do 17 de xuño de 1999 (DOG do 14 de xullo), autorización para ciclos formativos de grao medio.

Resultando que o antedito centro privado tiña, por Orde do 14 de xullo de 2003 (DOG do 17 de xullo), concertadas unha (1) unidade do ciclo formativo de grao medio (xestión administrativa) e unha (1) unidade do programa de garantía social (servicios auxiliares de oficina).

Vistos o Real decreto 2377/1985, do 18 de decembro (BOE do 27 de decembro), polo que se aproba o Regulamento de normas básicas sobre concertos educativos; o Decreto 133/1995, do 10 de maio (DOG do 22 de maio), sobre autorización de centros docentes privados para impartir ensinanzas de réxime xeral non universitarias, e a Orde do 20 de setembro de 1995 (DOG do 15 de decembro) que o desenvolve.

Esta consellería, por proposta da Dirección Xeral de Centros e Ordenación Educativa,

DISPÓN:

Primeiro.-Autoriza-lo cesamento de actividades do centro privado Alcázar de Santiago de Compostela, segundo os datos que se relacionan no anexo da presente orde, quedando nulas e sen ningún efecto as disposicións que autorizan o funcionamento legal do devandito centro.

Segundo.-A extinción da autorización acordada no punto anterior é, así mesmo, causa de extinción do concerto educativo, con efectos económico-administrativos do 30 de setembro de 2003.

Terceiro.- A presente orde entrará en vigor o día seguinte ó da súa publicación no Diario Oficial de Galicia.

Cuarto.-Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do proce

demento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Santiago de Compostela, 1 de outubro de 2003.

Celso Currás Fernández

Conselleiro de Educación e Ordenación

Universitaria

ANEXO

Provincia: A Coruña.

Localidade: Santiago de Compostela.

Concello: Santiago de Compostela.

Enderezo: Hórreo, 19-1º dereita.

Código do centro: 15020398.

Denominación: Alcázar.

Autorización do cesamento de actividades do centro.