A Comisión de Goberno, en sesión do 29 de setembro de 2003, aprobou, con carácter inicial, o proxecto de urbanización da rúa de nova apertura prevista entre a avenida Juan Bautista Andrade e a rúa Santiña, formulado por Pirsa O Grove, S.A., CIF A36056570, e redactado polo arquitecto Miguel Monteagudo Pazo, visado pola delegación en Pontevedra do Colexio Oficial de Arquitectos de Galicia (COAG) con data do 23-5-2003, dispoñéndose o seu sometemento á información pública.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio de Urbanismo, Medio Ambiente e Patrimonio Histórico (rúa Churruchaos nº 2 desta cidade) a documentación inicialmente aprobada, e formula-las alegacións que coide pertinentes.

Pontevedra, 6 de outubro de 2003.

P.D.

Xosé Cesáreo Mosquera Lorenzo

Tenente alcalde delegado da Área de Urbanismo

e Medio Ambiente

Julio Dapena Outomuro

Secretario xeral