O Concello de Pleno, en sesión extraordinaria do 30 de xuño de 2003, acordou aprobar definitiva

mente a remisión da documentación establecida no artigo 92 da Lei 9/2002 á consellería, da modificación do PXMO para os efectos da execución do proxecto denominado adecuación ambiental do bordo marítimo de Mera, consistente en:

-Modificación b) do documento nº 1091, do 23 de xaneiro de 2003, definición dun paseo de bordo 3 metros de largo na Punta Penatouro, dentro da franxa de servidume de tránsito de 6 metros, de conformidade co informe emitido polo director xeral de patrimonio cultural o 24 de marzo de 2003, en consecuencia, respectando o actual perímetro do predio singular.

-Modificación c) recualificación urbanística dun ámbito de solo urbano con ordenanza 2A de vivenda unifamiliar, propoñéndose a súa cualificación como espacio libre de uso e dominio público, manténdose a clasificación de solo urbano.

-Déixase constancia que se desiste da modificación a), consistente en recualificar un ámbito de solo non urbanizable común como zona verde V-6, sen que isto supoña a alteración da clase de solo rústico, dado que isto se produce ex lege, de conformidade co establecido no artigo 32.2º e) e disposición transitoria 1.7.

Contra este acordo, que pon fin á vía administrativa, poderá interpoñer recurso contencioso-administrativo diante do Xulgado ou Sala do Contencioso-Administrativo do Tribunal Superior de Xustiza de Galicia; de conformidade cos artigos 8, 9 e 10 da Lei 29/1998, do 13 de xullo, reguladora da xurisdicción contencioso-administrativa no prazo de dous meses. Previa e potestativamente, poderase interpoñer recurso de reposición, de conformidade co artigo 116 da Lei 30/1992, no prazo dun mes.

Tamén poderá interpoñe-lo recurso extraordinario de revisión, cando concorra algunha das circunstancias previstas no artigo 118 da Lei 30/1992, do 26 de novembro, pola que se aproba o réxime xurídico das administracións públicas e do procedemento administrativo común, nos prazos establecidos no punto 2º do mesmo artigo 118. Todo isto, sen prexuízo do dereito dos interesados a formula-la solicitude e a instancia á que se refiren os artigos 102.11º e 105.2º da devandita lei.

Oleiros, 8 de setembrobro de 2003.

Ángel García Seoane

Alcalde-presidente