Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: BEGASA.
Domicilio social: Cidade de Viveiro, 4, 27002 Lugo.
Denominación: L.M.T., C.T. e R.B.T. soterrada nos Muíños.
Situación: Mondoñedo.
Descricións técnicas: L.M.T. soterrada a 20 kV en conductor R.H.Z. 150 mm Al, en canalización existente, baixo tubo de 160 mm de diámetro, cunha lonxitude de 480 m. A liña sae desde unha cabina existente no C.T. V. Sociais ata ó C.T. Muíños (proxectado), aliméntase éste e sae de novo para cerra-lo anel ó C.T. V. Sociais.
C.T. instalado nunha caseta existente reformada para cumprir coa nova normativa, o C.T. está constituído por un trafo de 630 kVA e 3 celas de SFG (dúas de liña e unha de protección).
R.B.T. soterrada en conductores R.V.-240 e R.B.-95 en canalización existente que alimentará os edificios en construcción. Tamén se contempla a conexión coas redes de baixa existentes.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpoñer recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da notificación desta resolución; tamén se pode interpor calquera outro recurso que se considere pertinente.
Lugo, 12 de setembro de 2003.
Jesús Bendaña Suárez
Delegado provincial de Lugo