Con data do 5 de setembro de 2003, o delegado provincial de Ourense dictou resolución do expediente sancionador 27/2003 incoado na Delegación Provincial de Ourense a Jobejocar Restauradores y Hosteleros, S.L.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícase a Jobejocar Restauradores y Hosteleros, S.L. o contido da referida resolución que figura como anexo, para que poida ter coñecemento dela.
Así mesmo, fáiselle sabe-lo dereito que o asiste para interpor recurso de alzada ante o conselleiro
de Sanidade no prazo dun mes, contado desde o seguinte ó da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consulta-lo expediente, depositado nas dependencias desta delegación sita na rúa avda. de Zamora, nº 13 de Ourense, e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en calquera oficina de Caixa Galicia, cta. contable 840, código 001 ou de Caixanova Recadación Xunta modelo XTAX, e empregando os impresos normalizados que lle serán facilitados nas dependencias desta delegación provincial. O pagamento voluntario porá fin ó expediente. De non facelo así, procederase ó seu cobramento pola vía de constrinximento.
Esta cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 39/1992, do 26 de novembro.
Ourense, 22 de setembro de 2003.
José F. Troncoso Casares
Delegado provincial de Ourense
ANEXO
Expediente sancionador nº 27/2003.
Denunciado: Jobejocar Restauradores y Hosteleros, S.L.
CIF: B-32234971.
Último enderezo coñecido: Finca Bamio, nº 13 (Mende). 32950 Ourense.
Feito imputado: infracción en materia sanitaria.
Preceptos infrinxidos: Real decreto 3484/2000, do 29 de decembro, que establece as normas de hixiene para a elaboración, distribución e comercio de comidas preparadas, os artigos: 3.3º, 3.5º, 3.6º, 6.2º, 6.3º, 7.3º e 10.
Tipificación: leve.
Sanción imposta: 300 (trescentos euros).
