O alcalde, mediante Resolución do 15 de xullo de 2003, adoptou o seguinte acordo:
«En uso das atribucións que a lei me confire, resolvín:
Introdúcense as seguintes modificacións na convocatoria da selección de persoal aprobada por
decreto da Alcaldía de data 12 de maio de 2003, que son as seguintes:
Primeiro.-A fase de concurso non será eliminatoria.
Segundo.-Establécese un 4º exercicio para a selección de persoal que consistirá na traducción dun texto sinalado polo tribunal de galego a castelán e de castelán a galego que se vai desenvolver nun prazo máximo de 30 minutos, puntuándose o presente exercicio de 1 a 10, sendo a puntuación mínima para supera-lo exercicio de 5 puntos.
Terceiro.-Para a promoción interna esixirase ademais dos requisitos sinalados na convocatoria, ter unha antigüidade de dous anos no posto de traballo.
Cuarto.-As titulacións esixibles serán as sinaladas na oferta de emprego público, publicadas no BOE número 145, do 18 de xullo de 2003.
Quinto.-Amplíase o prazo de presentación de solicitudes que será de 20 días naturais contados a partir do día seguinte á publicación destas modificacións no Boletín Oficial del Estado, que previamente será publicado no Diario Oficial de Galicia e no BOP.
A Rúa, 15 de xullo de 2003.
José Vicente Solarat López
Alcalde-presidente