Examinado o expediente instruído por instancia da empresa Gas galicia SDG, S.A., con enderezo para efectos de notificacións en r/ Lisboa, Área Central, Local 31- HIJ, 15707 Santiago de Compostela, resultan os seguintes

Antecedentes de feito.

Primeiro.-Con data 25 de setembro de 1998 a Consellería de Industria e Comercio outorgou a Gas Galicia, SDG, S.A. a concesión administrativa para a prestación do servicio público de subministración de gas natural para usos domésticos, comerciais e industriais no termo municipal de Cambados.

Segundo.-Por Resolución do 10 de novembro de 1999 da Dirección Xeral de Industria, aprobouse o proxecto de execución Rede de distribución de gas no termo municipal de Cambados.

Terceiro.-Con data 7 de xaneiro de 2003 a empresa Gas Galicia SDG, S.A., solicitou ó abeiro da Lei 34/1998, do 7 de outubro, do sector de hidrocarburos, e do Real decreto 1434/2002, do 27 de decembro, polo que se regulan as actividades de transporte, distribución, comercialización, subministración e procedementos de autorización de instalacións de gas natural, a autorización administrativa e aprobación do proxecto de execución dunha planta satélite de regasificación de gas natural licuado para a subministración de gas natural ó termo municipal de Cambados (Pontevedra), para o que presentou o preceptivo proxecto das instalacións.

Cuarto.-De conformidade co establecido no citado Real decreto 1434/2002, a Dirección Xeral de Industria, Enerxía e Minas, dictou resolución de data 17 de marzo de 2003 pola que se someteu a información pública a solicitude de autorización administrativa de referencia, que se publicou no DOG de 16-5-2003, no BOP de Pontevedra de 21-5-2003, e no diario Faro de Vigo de 10-5-2003.

As características básicas das instalacións son as seguintes:

A planta satélite de regasificación ten unha capacidade de almacenamento de 60 m de GNL e unha capacidade de regasificación de 1.200 m (n)/h.

Á saída da P.S.R. dispoñerase dunha presión de 2,5 bar, quedando dentro do rango de Media Presión B.

A planta estará composta básicamente polas seguintes unidades:

-Unidade de descarga de camións cisterna.

-Unidade de almacenaxe e posta a presión.

-Unidade de gasificación.

-Unidade de odorización.

-Unidade de regulación.

-Unidade de xestión e control.

O orzamento ascende á cantidade de cento cincuenta e seis mil trescentos oitenta e sete euros (156.387,00 A).

Quinto.-A solicitude obxecto deste expediente conta co informe favorable da Delegación Provincial de Pontevedra.

Fundamentos de dereito.

Primeiro.-A Dirección Xeral de Industria, Enerxía e Minas é a competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro e o Decreto 223/2003, do 11 de abril, polo que se establece a estructura orgánica da Consellería de Innovación, Industria e Comercio, en relación coa Lei 34/1998, do 7 de outubro, do sector de hidrocarburos, co Real decreto 1434/2002, do 27 de decembro, e o Decreto 1775/1967, do 22 de xuño.

Segundo.-O proxecto cumpre coas exixencias regulamentarias fixadas no citado Decreto 1434/2002, do 27 de decembro, así como o Regulamento de aparellos a presión e concretamente coa instrucción técnica complementaria MIE-AP-15, punto 5.

Terceiro.-No expediente instruído para o efecto cumpríronse os trámites regulamentarios.

Vistos os preceptos legais citados e os demais de pertinente e xeral aplicación, esta dirección xeral,

RESOLVE:

-Outorgarlle á empresa Gas galicia SDG, S.A. a autorización administrativa dunha planta satélite de regasificación de gas natural licuado para a subministración de gas ó termo municipal de Cambados (Pontevedra) e aproba-lo seu proxecto de execución, así como as súas addendas I e II.

Esta autorización administrativa axustarase a cantas prescricións se establecen na Lei 34/1998, do 7 de outubro, no Real decreto 1434/2002, do 27 de decembro, e a cantas outras disposicións se dic

taran ou dicten sobre a subministración de combustibles, así como ás condicións estipuladas nas resolucións de concesión administrativa e aprobación do proxecto de execución da rede de Cambados, e ademais ás seguintes condicións:

Primeira.-Gas Galicia SDG, S.A. constituirá no prazo de dous meses, contados desde o momento do outorgamento da autorización, unha fianza por valor de 3.127,74 euros, importe do 2% do orzamento das instalacións, para garanti-lo cumprimento das súas obrigas, conforme o previsto no artigo 73, punto 4º da Lei 34/1998, do 7 de outubro, do sector de hidrocarburos, e no artigo 82 do Real decreto 1434/2002, do 27 de decembro. Esta fianza constituirase na Caixa Xeral de Depósitos da Consellería de Economía e Facenda da Xunta de Galicia en calquera das formas sinaladas no artigo 11, punto 3º do Decreto 1775/1967, de 22 de xullo, e que será devolta unha vez se formalice a acta de posta en marcha das instalacións.

Segunda.-O prazo para a posta en marcha das instalacións que se autorizan será de seis meses a partir da data desta resolución.

Terceira.-A Delegación Provincial da Consellería de Innovación, Industria e Comercio de Pontevedra cuidará do exacto cumprimento das condicións estipuladas por esta resolución, así como da inspección das obras e montaxes efectuados.

Cuarta.-As instalacións que se autorizan realizaranse de acordo coas especificacións e planos que figuran no proxecto presentado pola empresa concesionaria, subscrito polo enxeñeiro José Ramón Álvarez Enríquez, con orzamento de cento cincuenta e seis mil trescentos oitenta e sete euros.

Quinta.-Unha vez construídas as instalacións autorizadas, a Delegación Provincial da Consellería de Innovación, Industria e Comercio de Pontevedra inspeccionará a totalidade das obras e montaxes afectados. Previamente ó levantamento da acta de posta en marcha solicitará da empresa distribuidora os ensaios e probas oportunas, así como o certificado de dirección e terminación de obra, asinado por técnico competente e visado polo colexio oficial correspondente, no que conste que a construcción e montaxe das instalacións se efectuaron de acordo co proxecto correspondente, acreditando así mesmo, expresamente, o cumprimento das condicións técnicas e prescricións regulamentarias de aplicación.

Sexta.-Gas Galicia SDG, S.A. deberá inicia-la subministración de gas no prazo dun mes contado a partir da data na que a delegación provincial formalice o acta de posta en marcha.

Sétima.-A autorización outórgase sen perxuízo de terceiros, e independentemente das autorizacións, licencias de competencia doutros organismos ou entidades públicas, necesarios para realiza-las instalacións aprobadas.

Contra esta resolución, que non pon fin á vía administrativa, poderá interpoñerse, se é o caso, recurso de alzada ante o conselleiro de Innovación, Industria e Comercio, no prazo dun mes a partir do día seguinte á súa notificación.

Santiago de Compostela, 25 de agosto de 2003.

Ramón Ordás Badía

Director xeral de Industria, Enerxía e Minas